Racom Maubisse (27/07/2022) Kuarta Feira ne’e Uma Nain husi Lisan TERSA’E MAUKIA iha Usululi Suku Maulau Maubisse Halibur Feto San no Umane hamutuk hodi halo Inagurasaun ba Uma Lisan refere ne’ebe maka Remata ona Nia Konstrusaun.

Ba Radiu Komunidade Maubisse Mau-Loko Lia nain husi Uma Lisan TERSA’E MAUKIA Mateus Almeida Salsinha hateten;

“Ohin loron selebra Uma Lisan ida ne’e nia naran TERSA’E Kodiku ne’e maka MAUKIA uma ida ne’e ami iha orsamentu ne’e $ 4.000 ida. Uma Lisan ida la Hamrík ne’e ita koiñese malu ne’e la lós tia ona” Hateten Lia Nain ne’e 27/07/2022.

Nia hatutan Uma refere nia kai no fetosan hamutuk iha 25 ne’ebe maka Hola parte iha seremonia inaugurasun ne’e Husi Maubisse rasik, Dili, Aileu, no Manatuto, Inklui husi fatin sira seluk tan.

“Partisipasaun iha ne’e Kai ho Oan Feto ne’e iha 25 iha husi Maubisse, Dili, Aileu, no Manatuto ohin partisipa iha ne’e hotu” Dehan Lian Nain Lisan TERSA’E MAUKIA ba Jornalista RKMM 27/07/2022.

Biban ida ne’e hanesan Jerasaun Foun Uma Lisan TERSA’E MAUKIA Bonifacio Soares Salsinha hateten’ Hanesan Jerasaun Foun Agradese ba Eransa sira ne’ebe maka husik hela husi Beiala sira. Tamba ne’e hanesan Jerasaun foun prontu atu kuntinua nafatin Uju Kultura ne’e ba oin, basa Liu husi Lisan no Kultura maka halibur malun no Koiñese malun.

“Núdar ami jersaun foun ami agradese ba ami nia aman sira nia kontribuisaun ne’ebe maka ohin loron sira harí ona Uma Lisan. Karik aban bairua ami nia forsa ne’e iha ami sei lao tuir ami nia aman ka ami nia inan sira nia dalan. Maibe núdar Jerasaun foun se ami nia forsa la tó ami prontu kópera ho Estadu ho Arte Kultura fó apoiu ba Konstrusaun ami nia lisan iha tempu ne’ebe deit” Dehan Jerasaun Uma Lisan TERSA’E MAUKIA iha Ususluli Suku Maulau Maubisse Municipiu Ainaro.

Partisipa iha Seremonia Inaugurasaun ida ne’e Xefe Suku Maulau ho nia Estruktura Hamutuk ho Uma Nian Feto San Umane ne’ebe maka mai husi Fatin la hanesan.

Jornalista                     Moises da Silva Magno

Editór                          Joaquim de Fátima Coutinho