Sarani Suku  Maubisse Ho Seremonia Kulturais Rai Maubisse Nian Entrega Fahi Ulun Paroquia

0
758 views

Racom Maubisse 24/07/2022) Domingu foin lalais ne’e hafoin de Missa ba Selebrasaun Ejistensia Paroquia Imaculado Coração de Maria (PICOMA) ba dala 39 ne’ebe maka Presidi husi Archebispu Metropolitana de Dili, Kuntinua kedan Entrga  Fahi Ulun Sarani hamutuk ho Lian Nain Sira husi Suku Maubisse Villa  ba Paroquia.

Relasiona ho ida ne’e Xefe Suku Maubsse Villa Wilson Nivio Mendonça hateten;

“Suku Maubisse Hamutuk ho  Komisaun Organizadora   Sarani Suku Maubisse, ohin iha fatin ida ne’e ami entrega hikas Fahi Ulun hodi hateten katak responsabilidade Suku Maubisse nian remata ona, no loron hirak liu ba Nosa Senhora Padroeira ita entrega ona no ohin ami entrega hikas Fahi Ulun hanesan Simbolu Kultura nian” Tenik Xefe Suku Maubisse Villa 24/07/2022.

Biban ida ne’e mós tuir Amu Paroko Maubisse Padre Felisiano Bareito Rodriques Soares Hafoin Simu Fahi Ulun husi Sarani Suku Maubisse no Lia Nain Sira hateten;

“Hanesan Paroquia simu fali, hakarak ho fuan ho laran agradese tebes ba Komisaun Organizadora Liu-liu Xefe suku ne’ebe durante tinan 3 nia laran 2019 simu husi Aituto 2021 tó 2022 tinan 3 nia laran, no Nain Feto mós mai ho diak buat hotu lao ho diak laiha failla ida. Ne’ebe hau hakarak gradese tebes ba Sarani sira hotu. Hanesan Paroko hau kontenti tebes tamba ita hanesan halo Sarani Sira bók-an tamba ita maka Igreja maka ita no  Igreja maka ita. Tamba ne’e tinan oin fali mai 40 anos Paroquia Maubisse ita sei hamutuk fila fali ho Sarani sira hotu Suku 9 atu realija festa Fahi Ulun ida ne’e aumesmu tempu 40 tahun Paroquia Maubisse, ne’ebé kontribuisaun sira hotu ne’ebe maka imi halo ba Maromak nia Gloria” Dehan Amu Paroko PICOMA 24/07/2022.  

Jornalista                     Moises da Silva Magno

Editór                          Joaquim de Fátima Coutinho      

0 0 votes
Article Rating
Subscribe
Notify of
guest
0 Comments
Inline Feedbacks
View all comments