Racom Maubisse (18/07/2022) Vise Ministra Solidaridade Sosial no Inkluzaun Signi Chandrawati Verdial hateten ida ne’e, hodi hatan ba Prokupasaun Xefe Suku Foho Ailico Postu Administrativu Hato-Udo Municipiu Ainaro, Deonato de Araújo Laet ne’ebe hateten”

“Bolsa da Mae Jerasaun Foun dehan atu garante nutrisaun diak ba jerasaun tuir mai maibe tuir ponntu de vista ami nian hanesan autoridade Komunitaria iha Komunidade nia lét kuaje labarik sira hodi goja malu agora osan iha ona nusa ita la ba kous oan ona. Iha mós isu ema sira KB mós atu ba Kansela hotu sira KB ne’e hodi hetan oan para hetan osan, tan deit osan ida ita fó barak ne’e halo ema kous barak kria kiak iha ita nia rain ita nia nasaun osan laiha lori tan dezastre ba iha ita nia rain” Prokupsaun Xefe Suku Kona ba Bolsa da Mae Jerasaun Foun 18/07/2022.

Hatan ba ida ne’e Tur Vise Ministra Solidaridade Sosial no Inkluzaun Signi Chandrawati Verdial  Hateten, Bolsa da Mae Jerasaun Foun Laos Ekoraja Ema  Isin Rua Maibe Atu Eduka Inan Sira Hakbesik-an Ba Fasilidade Saude.

“Kona ba programa Bolsa da Mae hau maka luta makás ba programa Bolsa da Mae, ema barak hateten hanesan ne’e Vise Ministra ekoraja ema atu isin rua, ne’e lalos ita nia programa ida ne’e nia objetivu prinsipal maka atu hadia Saude nutrisaun Inan ho Oan. Ne’ebe ba Inan sira rekejitus prinsipal ida maka ne’e Inan sira tenki lori Oan ba halo konsulta iha Sentru Saude no Postu Saude Se Inan sira la ba imi nia osan Bolsa da Mae la fó ida” Dehan Vise Ministra 18/07/2022.

Governate ne’e kuntinua hateten, Rekejitus ida importante atu atu hetan Bolsa da Mae maka Inan sira sira tenki hakbesik-an iha Fasilidade Saude sira.

“Labele dehan isin rua tia bebeik-bebeik imi ba parteira sira sei haré no husu hanesan ne’e ama oan hira? Oan 7 ona ne’e ama Kuidadu resku ba saude mós, ne’ebe labele hare fali ba Bolsa da Mae dehan fo $ 20 dolar ne’e  ama sira la hanoin ita nia vida oan bebeik, ne’ebe rekejitus ida husi Bolsa da Mae ne’e maka tenki hakbesik-an Postu no Sentru Saude sira hodi halo konsulta, sei Inan sira la ba halo konsulta iha Postu Saude imi nia osan fulan nian ne’e la selu ida” Vise Ministra Solidaridade Sosial no Inkluzaun hateten ida ne’e iha Salaun Paroquial Municipiu Ainaro Segunda loron 18 fulan Jullu foin lalais ne’e.

Aliende Objetivu Prinsipal husi programa Bolsa da Mae Jerasaun Foun nian ne’e maka atu hadia Saude no Nutrisaun.

Jornalista                     Moisese da Silva Magno

Editór                          Joaquim de Fátima Coutinho