Xefe Suku Manetu Husu Governu Halo Reforma Ba Funsionariu Idade 60 Hodi Fó Biban Ba Jerasaun Foun Ne’ebe Remata Ona Estudu

0
161 views

Racom Maubisse (18/07/2022) “Governu tenki iha Lei ida atu halo reforma ba Funsionariu sira ne’ebe 60 anos, núne’e bele iha fali mudansa ba ita nia oan sira ne’ebe maka remata ona sira nia estudu hanesan S1, S2 sira ne’e nangur hela, agora 65 anos mós sei nafatin servisu hela” Dehan Xefe Suku Manetu  Alfredu Martins iha Surumutuk Konsultasaun Públiku  ba Reajustamentu Planu Estratéjiku Dezemvolvementu Tinan 2011-2030 iha Municipiu Ainaro segunda Feira ne’e.

Tamba ne’e Xefe Suku husu ba Governu Kria Planu hodi foti dadus ba Funsionariu Públiku ne’ebe tama ona ba iha Idade Reforma.

“Governu tenki iha Planu ona para atu foti dadus kada Municipiu ida ne’ebe maka atinji ona 60 anos iha ona dadus kompletu para preve orsmentu hodi rekruta fali ema foun” Hateten Lideransa Komunitaria ne’e 18/07/2022.

Kona ba Konsultasaun Públiku ba Planu Estratéjiku Dezemvolvementu PED 2011-2030 Xefe Suku Husu Presija Kria Kondisaun diak ba Iha Seitor Agrikultura Liga Liu ba iha Kondisaun Estrada. No Merenda Eskolar tenki Kuntinua ba Futuru nia husu atu utiliza  aihan sira ne’ebe maka ho valor nutritivu as atu núne’e povu nia oan bele konsumu.

Jornalista                     Moisese da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments