Racom Maubisse (19/07/2022) Antonia da Costa Pereira Husi Centru Juventude Ainaro hateten ida ne’e iha Surumutuk Konsultasaun Públiku Reajustamentu Planu Estratéjiku Dezemvolvementu PED 2011-2030 iha Salaun Paroquial Muinicipiu Ainaro.
“Papel Juventude nian katak Juventude maka sai autór ba dezemvolvementu Nasional na realidade Juventude maka sai vitima ba Dezemvolvementu Nasional iha nia Nasaun rasik. Agora ita nia Governu sira foin hakfodak wainhira haré ita nia maluk Joven sira dada Koper/ Pasta halai hotu ba Airoportu Komoro hodi halai ba Nasaun seluk. Atu hateten tmbasa maka Governu labele kria Kampu de traballu ba Joven sira iha idak-idak nia Municipiu, se liga ba iha ita Municipiu Ainaro ita iha Potensia bót los ba iha Seitor Agrikultura Joven sira halai hotu ba rai liur ba para atu kuda modo, atu kú ai-fuan servisu ida ne’ebe ita bele halo iha ita nua Nasaun maibe ita nia Governu sira la kria kondisaun ida ne’e ita duni ita nia Joven sira ba hotu iha rai liur” Dehan Foinsa’e Feto Municipiu Ainaro Antonia 19/07/2022.
Hatan ba ida ne’e Tuir Vise Ministra Solidaridade Sosial no Inkluzaun Signi Chandrawati Verdila Hateten Joven Sira ba Servisu iha Rai Liu ne’e Sala ida, Importante Liu Tuir nia Prosesu legal ne’ebe maka iha.
“Hau nia hanoin Pesoal maka ne’e, alin sira ba liur ba servisu ne’e laiha sala ida. Iha Nasaun Singapura uluk mós nia ema sira tempu ne’eba sai hotu ba liur, sai hotu ba Inglatera maibe sira fila fali mai ho skil ida diak sira dezemvolve sira nia-an no sira bele kontribui ba dezemvolvementu. Ita atu muda ema ida nia mentalidade ne’e han tempu naruk ne’ebe ba hau pesoal se sira sai ba liur ne’e diak muda mós sira nia hanoin sira fila mai sira sai ema ida oin seluk ona. Importante sai ba Hanesan Prezidente Repúblika hateten ne’e sai ba ne’e tenki lori dukumentu kompletu maka foin sai ba labele ba toba fali iha rejistu Centrais iha Posrtugal ne’ebe kuitadu. Governu halo ona esforsu oi-oin oinsa atu kria kampu de traballu iha ita nia rai laran” Hatan Vise Ministra Solidaridade Sosial ba Prokupasaun Foin Sa’e Municipiu Ainaro 19/07/2022.
Jornalista Moisese da Silva Magno
Editór Joaquim de Fátima Coutinho
