Racom Maubisese, 28/05/2022, Organizasaun Arte Marsiais PSHT a nivel Posto Administrativu Maubisse Municipiu Ainaro, Halao Mini Konfrensia ho Tema, Hanoin Ida Laran Ida Ba Fraternidade Hodi Re-Integra PSHT Ba Komunidade, nune’e organizasaun arte marsiais refere bele halaoa nia aktividades treinu, tamba durante tinan barak governu taka, maibe iha politika VIII Governu Konsttusional loke hikas fali, tamba ne’e mak PSHT Posto Maubisse halao mini konfrensia ho tema, Hanoin Ida Laran Ida Ba fraternidade hodi re-integra PSHT Ba Komunidade.

Ba Radio Komunidade Maubisse Mauloko, Reprezentante Administrador Posto Administrativu de Maubisse, Abril Mendonca hateten katak;

 “Organizasaun arte marsiais no arte rituais sira nebe mak envolve iha posto ida ne’e hanesan mos riku soin Maubisse ninian, tanba ne’e husu ba ita hotu atu kolabora ba malu no kria unidade ida ne’e mak impportante atu nune’e bele lori Maubisse ba oin tamba maubisse atu ba oin presiza ita hotu nia kontribuisaun ida nee maka ita Maubisse nia hakarak, tanba arte marsiais no arte rituais ninia hanorin mai ita ho moral ne’ebe mak diak atu ita bele respeita ema seluk hanesan ita-an rasik, ida nee mak organizasaun sira hanorin mai ita no tamba ne’e ita tenke hakribi violensia hodi lori Maubisse ba oin no ba futuru ida nebe diak liu”.

Nune’e mos iha fatin hanesan, Komandante PNTL Posto Maubisse Administrativu de Maubisse, Afonso da Silva hakttuir mos katak;

“Ha’u mai hamrik  iha ne’e hau lori comandante munisipiu nia naran hatoo parabens ba PSHT neebé mak tinan naruk la halao nia aktividade maibé ohin sira halao sira nia mini konferensia PSHT anivel Postu Administrativu Maubisse ba dala ida, no  moto PSHT nian mak “Hanoin ida neon ida, laran ida hodi re-intrega PSHT ba komunitasi”.  Buat neebé esensial mak ita autoriadade sai testamunha ba ita nia oan sira, tamba ohin ida nee sira entrega sira nia an ba ita, ita mak sei tau matan mai ita nia oan sira”.

Komandante PNTL Postto Administrativu de Mauisse ne’e haktuir liu tan katak;

“Tamba governu loke ona espasu ba sira atu sira bele halo sira nia treinu iha suku no aldeia ne’e buat ida importante, kontenti tanba Maubisse tinan naruk problema laiha, e iha 2004 problema boot iha Maubisse PSHT ho KORK  iha momentu ne’eba  hau adjuntu comandante eskcuadra Maubisse problema lafasil, problema neebé atua labele husi merkadu ba too iha pouzada, maibé ita konsege atua, akontesementu iha fatin bar-barak rona lakleur ita nia alin mate tamba hana ho rama ambon, tama ita haree iha media, maibe Maubisse labele nune’e tenke sai ezemplu ba Timor-Leste no ba munisipiu Ainaro, mezmu  problema akontese iha Dili maibé Maubisse hakmatek nafatin”.

Tamba ne’e komandante ne’e husu atu mantein nafatin paz no estabilidade iha komunidade nia let,  ita hatudu ona iha tempu balun liu ba mak, ema oho malu iha Dili lori mai hakoi iha suku situasaun lao normal, tanba koperasaun diak entre parte hotu, ho nune’e husu atu kaer metin nafatin paz no estabilidade neebé mak iha hodi nune’e dame bele buras iha ita nia le’et. Tamba seguranca laos Policia.

Participa iha Mini Konfrensia ho Tema “Hanoin Ida Laran Ida Ba Fraternidade Hodi Re-Integra PSHT Ba Komunidade, Organizasaun husi KORKA, IKS, 77, nomos organizasaun arte rituais seluk, Autoridade local, Lideranca komunitariu, konvidadus husi nasional municipal no komunidade balun.

Jornalista Rafiana Anjela

Editor Joaquim Coutinho