Racom Maubisse 19/05/2022, Kada tinan Estado Timor Leste hamutuk ho Povu Timor leste nomos komunidade Internasional selebra Aniversariu restaurasaun ba independencia 20 de Maiu iha Timor leste, maibe tinan ida ne’e oinseluk uitoan tamba ita komemora 20 anus restaurasaun independencia nomos investidura ba Presidente da Republika., relasiona ho loron restaurasaun 20 de maiu ba dala 20, iha semiteriu jeral Maubisse, Amu Paroco Maubisse Pe. Feliciano B. R. Soares hateten katak, nasaun nee molok ukun-an ita lakon buat barak fakar ran hafoin ita hetan liberdade.
Ba Radio Komunidade Maubisse Mauloko, Amu Paroco Maubisse Pe. Feliciano B. R. Soares hateten katak, nasaun ne’e molok ukun-an ita lakon buat barak fakar ran hafoin ita hetan liberdade, tamba ne’e;
“ Tuir hau katak ohin ita Bele halibur hamutuk hodi selebra missa nee hodi tau aifunan ba rate dala ida tan parabens ba administrador ho komisaun organizadora, e los duni ita nia nasaun ne’e 20 anos ona se sura mai husi 1999 entaun ita halo ona 22 anos,tamba ne’e ha’u dehan nasaun ne’e molok ukun-an ita lakon buat barak fakar raan funu, too iha 1999 ita ukun an, ne’e los duni katak la fasil, e Indonesia invade ita 24 anos, Portugues nia tempu 450 anos ita lakon buat barak, lakon ema barak, lakon familia, tamba ne’e presija hakat ba oin no dezenvolve ita nia rain, entaun ita haree ba istoria sira nee sai hanesan memoria halo ita bele hanoin katak uluk sira halo saida mak agora it abele hetan ukun-an, tamba ne’e hanesan estudante hanesan professor, hanesan lideransa saida mak bele halo, nasaun nee presija ita hotu nia kontribuisaun”. Dehan Amu Paroco Maubisse
Amu Paroco ne’e haktuir liu tan katak,
“Uluk sira funu ho kilat, agora ita funu ho saida, sira fakar ran ba sosa rai ida ne’e hodi ukun-an, agora ita halo saida nune’e nasaun ne’e atu ba oin, presija ema matenek liuliu mos Maubisse oan sira, ita atu lori Maubisse ba oin, tanba Maubisse nakonu ho fatin turistiku atu dezenvolve turismu nebe diak nee presija ema matenek tenki hatene inglesh, portugues” . Haktuir Pe. Feliciano.
Amu Paroco Maubisse ne’e iha nia liman hato’o ba joven no estudante sira iha serimonia kari aifunan iha simiteriu jeral maubisse hodi hanoin hikas matebian sira ne’ebe fakar ran hodi sosa independencia ida ne’e katak nasaun Timor Leste nia futuru no Maubisse nia future iha ita hotu nia liman, tamba atu dezemvolve Timor leste ho Maubisse, precise ema matenek tenke hatene portugues, ho ingles. Hodi dezemvolve Maubisse ho Timor leste Tamba Maubisse Konhecidu ho fatin turismu no agrikultura.
Jornalista :Natalino Mendonca
Editor :Joaquim De Fatima
