Adm Maubisse Claudino Mendonça Hamutuk ho Komunidade Selebra 20 Anus Restaurasaun Independencia

0
231 views

Racom Maubisse, 20 de Maiu 2022. Ohin iha Teritorio Timor Leste laran tomak hahu husi nasional to’o Municipiu no Posto Administrativu Autoridade sira selebra hamutuk restaurasaun independencia 20 de Maiu ba dala 20.

Ba Radio Komunidade Maubisse Mauloko, Administrador Posto Administrativu de Maubisse, Claudino Mendonca, hateten katak;

“Ohin dia 20 de Maiu 2022, ita hamutuk ho komunidade Maubisse nomos linha sektorais sira selebra loron restaurasaun indendencia ba dala 20 iha Posto Administrativu de Maubisse, hodi hanoin hikas tinan 20 liu ba Timor Leste Restaura nia Independencia iha Taci Tolu dili, ho ida ne’e maka kada tinan ita sempre selebra hodi hanoin hikas fali ita nia restaurasaun Independencia ne’ebe kada tinan sempre monu iha dia 20 de Maiu, nomos tinan ida ne’e alemde komemora restaurasaun independencia e mos halao serimonia solene ba investidura novo Presidente RDTL”. Dehan Administrador Posto Maubisse.

Loron ida ohin dia 20 de Maiu 2022, iha Teritorio Timor Leste laran tomak hahu husi nasional to’o Municipiu no Posto Administrativu Autoridade sira selebra hamutuk restaurasaun independencia 20 de Maiu ba dala 20 hamutuk ho komunidade sira nune’e iha Maubisse mos selebra loron nasional ne’e, nune’e Administrador Posto Maubisse Claudino mendonca haktuir;

“Hanesan Autoridade local e mos hanesan Administrador foun ne’ebe foin assume knar iha fulan hirak liu ba, pela primeiraves sai hanesan inspektur da serimonia ba komemorasaun restaurasaun independencia Repuplilka Demoktarica de Timor Letse ba dala 20 iha Postu Administrativu de Maubisse, hau sente kontenete tamba bele hamrik iha oin no hetan participasaun maksimu husi komunidade Maubisse, tanba seremonia  komemorasuan ida ne’e sira sente katak nee sira nia loron e orgulho boot ida tanba sira ohin festeza loron aniversariu restaurasaun independensia ba dala 20 no planu ba oin eventu nasionasionais hanesan ohin daudauk ita sei halao diak liu tan”.  Haktuir Claudino Mendonca.

Tamba ne’e Administrador Maubisse ne’e apela ba komunidade hotu-hotu, veteranus, xefe suku sira hotu ba joventude sira hotu organisasaun arte marsiais sira hotu no arte ritual sira atu ita komemora eventu nasional sira hanesan ohin ita hotu-hotu tenki partisipa maximu tanba komemorasaun sira hanesan ne’e ita nian hotu laos grupo ida nian ka ema ida nian deit maibe ita hotu nian.

Jornalista             : Natalino mendonca

Editor                    : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments