Racom Maubisse, 19/05/2022, Kada tinan Estado Timor Leste hamutuk ho Povu Timor leste nomos komunidade Internasional selebra Aniversariu restaurasaun ba independencia 20 de Maiu iha Timor leste, maibe tinan ida ne’e oinseluk uitoan tamba ita komemora 20 anus restaurasaun independencia nomos investidura ba Presidente da Republika, relasiona ho loron restaurasaun 20 de Maiu ba dala 20, iha semiteriu jeral Maubisse, Komandante PNTL Posto Maubisse Anfonso da Silva, hateten Selebrasaun Restaurasaun 20 de Maiu hanesan Loron Reflesaun hanoin Hikas tinan 20 liu ba ita Ukun-an.

Ba Radio Komunidade Maubisse Mauloko, Komandante PNTL Posto Maubisse Anfonso da Silva haktuir katak;

“Ho Restaurasaun 20 de Maiu, Hanesan Jerasun Kontinuador Iha Responsabilidade Ba Rai Ida Nee liu husi parte seguranca hodi asegura kualker situasaun nune’e bele kria paz no hakmatek iha komunidade nia let, liu liu kria fo seguranca perante serimonia komemorasaun restaurasaun independencia 20 de maiu ba dala 20 iha Timor Leste, mos ho selebrasaun Restaurasaun 20 de Maiu hanesan Loron Reflesaun, hodi  hanoin Hikas tinan 20 liu ba ita Ukun-an no ohin ita mai kari aifunan iha ne’e, no aban ita halo tinan 20 ba timor nia ukun-an, loron ida ohin loron preparasaun nian, no loron ida aban mak ema dehan timor  ukun-an, tamba ita restaura iha 20 de Maiu 2002, mais atu dehan ukun-an ne’e lafasil”. Haktuir Komandante PNTL Posto Maubisse Afonso da Silva.

Iha prosesu luta ba ukun rasik-an laos hanesan ema dehan ukun-an ne’e laos ema entrega husi bandeisa maibe ukun-an ne’e sosa ho ruin no ran. **

Jornalista :Natalino Mendonca

Editor        :Joaquim De Fatima