Racom Maubisse (20/04/2022) Hafoin remata Rejultadu Apuramentu Elisaun Prezidensial Ronde da Ruak iha Edefisiu STAE Municipio Ainaro Kuarta feira ne’e, ba Radio Komunidade Maubisse Mauloko Administrador Municipio Ainaro Leivigildo Amaral Pereira Agradese ba Komunidade Municipio Ainaro nia Kontribuisaun hodi fó ona sira nia votus ba Kandidatu nain rua.
“Hanesan Administrador Municipio Agradese tebes ba iha Elisaun sigundu ronde ida ne’e, tamba Komunidade sira hotu eserje sira nia votus ba iha ita nia Kandidatu rua ida ne’e maka realidade ne’ebe hatudu mai iha Municipio Ainaro. Tamba Komunidade maka eserje rasik sira nia votus sira ne’e ba iha Kandidatu nain rua. Tamba ne’e hau núdar Administrador Agradese tebes ba iha ita nia Brigadista sira, Ofisiais CNE sira no mós fiskais sira husi Kandidatu nain rua nian, Seguransa sira tamba asegura aktividade ida ne’e lao ho susesu, tamba ida ne’e maka agradese ba hot-hotu tamba liu husi ita nia servisu hamutuk iha rejultadu ne’ebe diak” Hateten Leovigildo ba Jornalista RKMM 20/04/2022.
Autoridade másimu Municipio Ainaro ne’e Kuntinua hateten tan katak;
“Iha Municipio Ainaro laiha problema ambiente ne’enbe maka hakmatek tuir Natureza ne’ebe iha. Elisaun Sigundu Ronde ida ne’e lao tuir ita hot-hotu nia hakarak laiha problema no laiha asidente ruma hodi difikulta buat hotu lao ho normal. Hau husu ba Komunidade hotu atu simu realidade ne’ebe iha buat ne’ebe povu sira eserje hau hanoin ba oin ita hotu sei simu ita nia Nai Prezidente ida ne’ebe bele tau matan ba ita hotu” Hatutan Autoridade Municipio ne’e iha Edefisiu STAE Municipio Ainaro 20/04/2022.
Entretantu durante halao Apuramentu iha STAE Manicipio Ainaro Situasaun lao ho hakmatek no kontroladu Tamba hetan Seguransa másimu tebes husi Membus PNTL Municipio Ainaro no Membrus Polisia sira ne’ebe maka kolokadu husi Nasional mai iha Municipio Ainaro.
Aliende ne’e hetan mós observasaun husi Observador Internasional no Nasional.
Jornalista Moises da Silva Magno
Editór Joaquim de Fátima Coutinho
