Komando PNTL Ainaro Sei La Tolera Sidadaun Ne’ebe Aproveita Situasaun Hamosu Asaun Krimi

0
692 views

Racom Maubisse (20/04/2022) Komandante Polisia Nasional Timor Leste (PNTL) Municipio Ainaro Suprentedente Polisia Justino Menezes ható ida ne’e hafoin remata Apuramentu Elisaun Prezidensial Segundu Ronde iha Edefisiu STAE Municipio Ainaro Kuarta feira ne’e.

Ba Radiu Komunidade Maubisse Autoridade Seguransa ne’e hameno katak,Husu ba Sidadaun Ainaro oan hotu atu  mantein nafatin ho Situasaun Hakamatek ne’ebe iha hahú kedan husi Deslokasaun Mantreal Sensitivu ho la Sensitivu ba ba Sentru Votasaun tó hetan rejultadu final Apuramentu Municipio.

“Husu ba iha ita bót sira Atu mantein nafatin ho situasaun ne’ebe maka agora dadaun iha ne’e, labele haré Municipio sira seluk ne’ebe iha problema ida rua, ita mós hakarak halo. Enkuantu imi hakarak aproveita ho situasaun ida ne’e halo ne’e Seguransa la tolera Seguransa sei iha Servisu operasional especial nia laran sei halo prevensaun ida ke rigoroju sei uja forsa ba grupu sira ne’ebe maka hakarak estraga estabilidade” Apela Autoridade Seguransa ne’e 20/04/2022.

Maske núne’e fiar katak  Ainaro sei la halo ida ne’e tamba kesi metein ho lema Ainaro nian ne’ebe dehan (Roman Domin Roman Dame)

“Hau fiar katak Ainaro tenki kaer metin ita nia lema ne’ebe iha katak, (Roman ba Dame Roman ba Domin) ne’e importante ba ita Ainaro Oan sira hahu kedan husi hau kolia ida ne’e tó agora buat hotu lao diak” Dehan Komandante PNTL Municipio Ainaro 20/04/2022.

Komandante ne’e hatutan liu tan katak agtadese ba Autoridade lokal, Autoridade Komunitaria, Lider Partidu Polítika sira hotu iha Municipio Ainaro, inklui mídia sira hotu nia kontribuisaun ba apoiu hodi kontribui ba Paz no Estabilidade durante Prosesu Elisaun Prezidensial Ronde da Ruak nian iha Municipio Ainaro.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments