Racom Maubisse (15/04/2022) Sarani Hato-Builico Mubicipio Ainaro, Halibur Hamutuk iha Aldeia Manumera, hodi hatudu Sira nia Domin ba Nai Jesus Kristu liu husi Viasacra Moris.
Ba Rdiu Komunidade Maubisse Amu Vigariu Paroquia Maubisse, ne’ebe Rezidente Permanente iha Hato-Builico Padre Francisco Soares Fernandes hateten, ho Viasagra Moris ida ne’e hodi hatudu Sarani sira nia Domin ba Nai Jesus.
“Objetivu husi halo Viasagra iha loron ohin, loron Sesta Feira Snata, Loron Nai Nia Terus no Mate Ninian ne’ebe atu fó Salvasaun ba ita hotu.Ne’e duni Sarani tomak husi Hato-Builico, mai halibur malu iha fatin ida ne’e hodi hatudu sira nia domin ba Jesus, núdar Jesus hatudu tia ona ninia domin ba sira, sira mós mai hotu atu halo Viasagra moris ida ne’e atu bele fanun nafatin Povu hot-hotu nia fiar hodi haré fila fali oinsa Jesus ne’ebe uluk saran tia Nia-An terus mate hodi fó Salvasaun ba Emat tomak” Dehan Pe. Francisco ba RKMM 15/04/2022.
Amu Figariu ne’e hatutan, Jesus hadomi ona ita hodi Sakrifika Nia-An terus tó mate iha Kruz atu lori ita ba hetan moris. Tamba ne’e apela nafatin ba Sarani tomak atu kria nafatin Paz no udidade, ida ne’e maka resposta domin ita ema nian ba Nai Jesus Kristu.
“Hau nia lia menon ba Sarani tomak, Jesus hadomi ita hodi sakrifika tia ona Nia-An ba ita, terus tó mate iha Kruz atu ita ba hetan moris rohan laek. Resposta domin ita nian ba Jesus maka ida ne’ebe? Resposta ita nia ba Jesus maka wainhira ita bele kria nafatin dame, domin, ksolok, iha ita nia rain. Liu-liu iha situasaun Polítika ne’ebe ita hasoru halo ita nia moris la hakmatek ita buka fila fali ba Jesus atu hare fali oinsa maka Jesus Nia ukun laos ukun deit ho forsa ho kroat maibe Nia ukun ho domin, ukun ho sakrifika Nia-An tomak iha Kinta feira Santa Nia fase Apostlu sira nia ain hatudu sinal haraik-An ba Ninia Apostlu sira no hameno hela ba Apostlu sira atu halo ida ne’e ba malu. Í Nia mós hanorin ita liu-liu iha ita nia rain Nai Ulun sira no Povu tomak atu hatene hadomi malu, oinsa maka hatene servi malu se ita servi diak liu ita nia Povu ita nia rain, ita presija kueñese Jesus diak liu tan, basa Jesus maka Ukun Nain ida ne’ebe lolos ne’ebe Ukun ho domin no servi Nia Povu tó Saran-An ba Mate” Hameno Pe. Francisco Soare Fernandes ba Sarani sira iha Aldeia Manumera Hato-Builico Municipio Ainaro 15/04/2022.
Selebrasaun Sesta Feira Santa iha Manumera Postu Administrativo Hato-Builico Municipio Ainaro ne’e lao ho susesu tó remta, ne’ebe maka partisipa mós husi Administrador Postu Hato-Builico Hamutuk ho Sarani sira iha husi Postu Administrativo Hato-Builico Municipio Ainaro.
Jornalista Joaquim de Fátima Coutinho
Editor Moises da Silva Magno
