Racom Maubisse Mauloko,14/04/22, Relasiona ho Eleisaun Presidensial ne’ebe la kleur tan ita sei hakat ba sentru votasaun iha dia 19 de Abril 2022, hodi ezerse ita ida idak nia votu, nune’e Administrador Munisipio Ainaro iha intervista ba Radio Komunidade Maubisse Mauloko, hateten katak;

“Husu ba populasaun hotu iha Municipiu Ainaro ne’ebe kompostu husi Posto Administrativu hat hanesan Ainaro Villa rasik, Hatuodu, Hatobuilico no Maubisse atu mantein paz hodi hasoru eleisaun presidensial segunda volta”.

Administrador Munisipio Ainaro Leovigildo Amaral Pereira  haklean liutan hodi apela ba nia populasaun  suku 21 iha Munisipio Ainaro atu mantein nafatin hakmatek, kria paz no unidade hodi hasoru elisaun presidesial sigundo ronde ne’ebe sei monu iha loron 19 fulan abrin 2022. Tamba iha elisaun primeira volta, Munisipio Ainaro nia situasaun hakmatek,  tamba ne’e autoriedade máximo Municpio Ainaro nafatin alerta ba komunidade atu kaer nafatin  lia fuan roman domin roman dame hodi hasoru eleisaun sigundo ronde iha Munisipio Ainaro

Jornalista                     Moises da Silva Magno

Editor                          Joaquim de Fátima Coutinho