Racom Maubisse (17/02/2022) Presidente CET, Aktual Amu Bispu Diocese Maliana Dom Norberto do Amaral hateten ida ne’e ba Jornalista Radio Komunidade Maubisse Mau-Loko Kinta feira ne’e iha nia Rezidensia.
Amu Bispu hateten ida ne’e bajeia ba iha Komisaun Justisa e Paz Konferensia Episkopál fo sai ona iha Semana kotuk. Tamba ne’e liu husi biban ida ne’e atu fo hatene ba iha Sarani hotu katak Igreja laiha Preverensia ba iha Kandidatu ida, basa Kandidatu nain 16 mesak Sarani tan ne’e konsidera sira sai hanesan Kandidatu Igrja nian.
“Aproveita oputunidade ida ne’e atu esklarese oitoan maske agora Justisa e Paz Konferensia Episkopál ne’e fo hatene tia ona semana kotuk kona ba ida ne’e. Maibe atu fo mensajen ba Povu hotu liu-liu ba Sarani sira katak Igreja laiha Preferensia ba kandidatu ida sira nai 16 ne’e mesak sarani ne’e duni hanesan kandidatu Igreja nian. Husu deit ba Povu sira atu fihir entre sira nain 16 ne’e, ida ne’ebe diak liu hodi serbi Timor ida ne’e hodi lori Timor ida ne’e ba Mundu Internasional no mós hadomi Povu ida ne’e” Hateten Amu Bispu Dom Norberto do Amaral ba Jornalista Radio Komunidade Maubisse Mau-Loko 17/02/2022.
Amu Bispu husu mós ba Kandidatu sira atu ho neon ne’ebe diak kakutak malirin hodi tatoli mensajen ba Povu liu husi aktividade kampaña hodi antrai sira antes hakat tama Elisaun loron 19 fulan Marsu Tinan ne’e.
Jornalista : Joaquim de Fátima Coutinho
Editor : Moises da Silva Magno
