Racom Maubisse (17/02/2022) Presidente Konferensia  Episkopál Timorense Aktual Bispu Diocese Maliana Dom Norebertu Amaral  hateten ida ne’e ba Jornalista Radio Komunidade Maubisse Mau-Loko Kinta feira ne’e iha nia Rezidensia.

Amu Buspu Hateten; ” Se Kandidatu ruma uja Karik atributu Igreja nian husu favor ida ba CNE ou STAE ka atu kansela tia, tau sinais seluk duke tau fali sinal Igreja nian iha fali sira nia kamapaña ka sira nia lema sira atu ba elisaun” Dehan Dom Norbertu ba Jornalista RKMM 17/02/2022.

Dom Norbertu Kuntinua hatutan liu tan katak entre kandidatu nain 16 ne’ebe Konkore iha elisaun Presidensial tinan 2022-2027 Amu Bispu Konsidera sira hotu sai nudar kandidatu Ingreja Katólika nian tamba sira mesak sarani.

“Favor bót ida atu labele uja simblos Igreja nian iha sira lema ka sira nia kampaña ne’e. Hodi hanoin katak sira hot-hotu ne’e mesak Povu ida ne’e, uja fali atributus Ingreja nian ne’e halo fali Kampaña ne’e lao los, sira hotu-hotu mesak kandidatu Ingreja Katóliku nian tamba mesak sarani. Ne’e duni importante ba oin Povu maka determina ida ne’ebe sai Presidente ita hot-hotu nia Aman ita hot-hotu hakruk simu nian” Amu Bispu hatutan 17/02/2022.

Tamba ne’e Dom Norbertu husu atu la bele Privitiza ema barak nia simblu ba ema nia nesasidade.

Jornalista         : Joaquim de Fátima Coutinho

Editor              : Moises da Silva Magno