Dom Norbertu do Amaral Husu Kandidatu ELPRES 2022-2027 Labele Insulta malu iha Kampaña

0
253 views

Racom Maubisse (17/02/2022) Presidente Konferensia Episkopál Timorense Aktual Bispu Diocese Maliana ható mensajen ne’e liu husi intervista ho Jornalista Radio Komunidade Maubisse Kinta feira loron 17 fulan Febreiru foin lalais ne’e iha nia Residensia.

Amu Bispu hameno; ” Importante husu ba Kandidatu idak-idak ható sira nia programa ne’e ho lian ne’ebe diak ba labele iha  insulta malu, importante ható lia fuan atu atrai Povu ne’e nia fuan nune’e bele vota ba sira kandidatu ba Presidente” Lia Menon Amu Bispu 17/02/2022.

Biban ida ne’e mós Amu Bispu kuntinua tatoli mós nia lia menon ba Povu tomak hodi  hateten;

“Segundu dala ida tan husu ba Povu hot-hotu atu hili Presidente ida ne’ebe diak, neon nain,matenek, adultu. Sei lori ita ba dalan ne’ebe hakmatek” Hatutan Amu Bispu 17/02/2022.

Alende ida ne’e mós liga ho Situasaun Aktual iha Timor Leste Presidente Konferensia Episkopál ne’e kuntinua alerta ba Povu tomak atu hili no fihir didiak kandidatu ne’ebe ne’ebe diak liu nune bele hatan ba iha nesasidades Internasional no mós nesasidades interna Povu nian hodi kuntinua mantein Unidade,Paz no hakmatek.

Jornalista         : Joaquim de Fátima Coutinho

Editor              : Moises da Silva Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments