Racom Maubisse, 14/02/2022, Relasiona ho Vijita Mahein Edukasaun Timor Leste, São João Paulo II iha Municipiu Ainaro, ne’ebe iha dia 12 de Janeiro 2022, autoridade Municipiu Ainaro ho Edukasaun Municipiu Ainro, lia nain, esudante ho sarani sira husi Municipiu Ainaro simu ilhas São João Paulo II iha Tehai Lebululi fronteira entre Posto Turiscai Manufahi ho Posto Maubisse Ainaro. Vijita João Paulo II ne’e sei hela iha Municipiu Ainaro durante tinan ida hafoin ba vijita fali municipiu seluk, ho vijita Ilhas São João Paulo II iha Ainaro maka dia 14 de Febreiro 2022, Archebispu Arquediocse de Dili hamutuk ho Excia Ministro Edukasaun desloka ba Municipiu Anaro, nune’e Archebispu selebra missa nune’e mahein edukasaun Timor Leste São João Paulo II bele desloka ba kada escolar iha Municipiu Ainaro durante tinan ida.
Imi maka masin no Naroman Mundu nian, Hau mai tamba imi.
Ba Radio Komunidade Maubisse Mauloko, Dom Virgìlio do Carmo da Silva SDB Hateten katak, “São João Paulo II, nudar Padroeiru no mahein ba eskola no estudante sira, nune’e mos hau mai selebra missa iha Paroquia Ainaro hodi halo Abertura ba Eskola Ano Letivo 2022 nian”.
Husu konaba objektivu principal Archebispu nian mai iha Paroquia Santa Maria Ainaro, lider igreja Diocese Dili ne’e, haktuir katak;
“Objetivu prinsipal ba ohin loron hau (bispu) mai iha ne’e, tamba imi estudante, no jovem sira nune’e mos ho illas São João Paulo II nia prezensa iha Munisipio Ainaro, ne’ebe nu’udar Padroeiru no mahein ba eskola no estudante sira, nune’e mos hodi Abertura ba Ano Letivo 2022 nian”. dehan Dom Virgìldo.
Nune’e mos amu Bispu Virgilio hatutan tan katak;
Aproveita oportunidade ida ne’e hodi bele motiva estudante no jovem sira no mos esplika ituan konaba São João Paulo II, mai ita Timor importante ba ita nia kreda iha Timor no mos impotansia ba estudante no jovem sira liu husi prosesu aprendizajem, tamba ne’e iha oportunidade ida ohin hau mai ne’e hodi koalia no motivu ituan no mos bele inspira nafatin jovem sira atu estuda no sakrifika sira nia an atu buka matenek hodi prepara ba iha futuru rasik”. Hatutan Amu Dom Virgìlio.
Ilhas São João Paulo II, antes vijita Municipiu Ainaro, vijita ona Municipiu Manifahi durante tinan ida ho mos municipiu seluk, iha teritorio Timor Laran tomak, no depois de hela iha Ainaro tinan ida, no tina oin sei vijita fali municipiu seluk.
Relasiona ho vjita Mahein São João Paulo II ne’e, amu Bispu husu ba estudante no jovens sira iha Municipiu Ainaro atu tau matan ba Ilhas São João II durante hela iha Ainaro no husu mos ba estudante sira atu estuda no reza makas tamba futuru nasaun nian iha estudante no joven sira nia liman, nune’e bele hatutan São João Paulo II, nia lian ne’ebe uluk vijita Timor Leste dehan “imi maka masin no naroman Mundu nian”.
Jornalista : Clementina Fàtima
Editor : Joaquim Coutinho
