Racom Maubisse, 2/2/2022, Kondisaun estrada iha Posto Hatubuiliko laos foin ohin mak at ka grave, maibe desde inisio Administrador ida mai husi primeiro kedan mai to’o ohin loron Administrador ba dala neen nian, katak Estrada iha Posto Hatobuilico at ba bebeik no laiha mudansa.
Ba Radio Komunidade Maubisse Mauloko, Administrador Bento Alves haktuir katak, nia parte sei esforsuan hodi bele koopera ho parte hotu nune’e bele hare konaba kondisaun Estrada nebe mak durante ne’e at hodi difikulta komunidade sira labele asesu ba merkadu hodi fan sira nia produtu local:
“Ne’e ha’u hanoin los foin hamutuk koalia maibe Administrador nain hira ne’ebe mak liu ona sira sepre kestiona Estrada maibe to’o agora seidauk iha desijaun ida positive atu nu’une bele alkansa ami nia objetivu ne’ebe mak durante ne’e ami hakarak”.
Tamba ne’e administrador foun ne’e promote katak iha nia mandate sei esforsu nune’e bele halao programa dezemvolvimentu ba posto hatobuilico, iha seitor hotu hotu;
“Sim hau hanoin ida ne’e mak hau sei halo iha tempu oin mai hau sei buka nafatin kopera nafatin ho Ministerio Kombatente atu nune’e buat ne’ebe mak durante ne’e ami nia objetivu ami nia hanoin”
Hus mos konaba moras denge nebe afeta timor leste, inklui mos municipiu Ainaro, tuir Administrador Bento Alves ne’ebe foin simu pose iha dia 25 de Janeiro de 2022katak;
“Halo ona surat ba iha nai xefe de suku xefe aldeia sira ba iha funsionario sira hotu atu nu’une iha loron sexta feira halo limpeza jeral atu nu’une bele hadia Hatubuiliko vila mos nune’e bele hadok-an mos husi moras denge no moras sira seluk”.
Ikus ukus ne’e dalan sae ba santuariu ramelau grave liu tan tamba udan nebe ho intensidade makas fo tebes impaktu ba rai halai ka rai monu hodi estraga Estrada sira iha hatobuilico nomos Estrada sae na Santuariu Ramelau, tamba ne’e Hatobuilico haktuir;
“Sim hau hanoin ida ne’e hau sei hato’o maibe ida agora hau dehan dadauk ne’e objetivu hau nian maka ho hau nia povu sira halo dadaun depois hau sei hato hela ba Ministerio Kombatente bele kompleta diak liu tan, e konaba Estrada ne’e importante liu hau mos foin mai loron ida rua hau hare hau nia komunidade sira barak liu mak sira nia modo estraga depois sira nia sasan sira ne’e hau hare katak la dun diak Estrada ladiak depois sira mos tutur deit sira lao ho ain tula ho kuda atu ba ho kareta maibe Estrada la diak ne’ebe hau mos hanesan Autoridade ida ba postu ne’e hau senti preokupa tebes”.
Tamba ne’e administrador ne’e, sei servisu hamutuk no kopera hodi hare konaba kondisaun Estrada sira nomos dezemvolvimentu seluk iha Posto Hatobuilico, nu’une bele servi komunidade tamba kaer ukun nee atu servisu laos manda ka hatudu liman.
Jornalista : Melvia Maria Mendonca
Editor : Joaquim Coutinho
