Racom Maubisse, 2/2/2022, Kondisaun estrada iha Suco Mulo ho Suco Nunumogue ne’ebe hamahan-an iha Posto Hatubuiliko grave, e Estrada sira ne’e laos foin ohin mak at ka grave, maibe desde inisio Administrador ida mai husi primeiro kedan mai to’o ohin loron Administrador ba dala neen nian, katak Estrada iha Posto Hatobuilico at ba bebeik no laiha mudansa.
Ba Radio Komunidade Maubisse Mauloko, Administrador Bento Alves haktuir katak, nia parte sei esforsuan hodi bele koopera ho parte hotu liu liu governu hodi bele hare konaba kondisaun Estrada nebe mak durante ne’e at hodi difikulta komunidade sira labele asesu ba merkadu hodi fan sira nia produtu local, tamba ne’e tuir administrador ne’e katak;
“Ha’u iha hanoin ida para atu hato’o ba sira iha tempu besik, Ida ne’e hau hanoin hanesan Estrada ida ne’ebe mak iha ligasaun Nunumogue mai Hatubuiliko husi Aituto mai iha Aldeia Maulahulu no Manumera, importante tebes tamba ne’e ita buka meus hodi hadia liu husi projeitu sira hansan PNDS ho tan seluk”.
Nomos administrador ne’e salient liu tan katak sei rekomenda ba parseiro dezenvolvimento iha Nasaun ida ne’e karik iha program konaba Estrada rurais, sebele hadia mos kondisaun Estrada local sir aka rurais sira;
“Ha’u sei kopera ho sira hau sei hato nafatin ba sira oinsa maka sira bele tau matan ba iha Estrada rural sira ne’e, tamba foin dadaun hau foin eleitu loron ida ami enkontru kedan iha Munisipio maibe iha postu seidauk tamba sira mos preokupa ho servisu seluk, maibe hau iha planu sei halo ho sira ho sira PNDS oinsa maka bele halo servisu sira ne’e hotu iha ami nia laran, NGO sira e mos kondisaun Estrada iha Mauchiga ho mos Nunumogue”.
“Administrador deit mak foun maibe ha’u ema tuan servisu ona iha postu ne’e kleur ne’ebe sira hotu konese ona hau saida mak hau hato’o hau hatete ona ba sira katak, iha tempu sira sei bele servisu hamutuk ho hau oinsa mak atu bele hadia liu liu ita nia Estrada iha bairu sira”
Tamba ne’e administrador ne’e, sei servisu hamutuk no kopera hodi hare konaba kondisaun Estrada sira nomos dezemvolvimentu seluk iha Posto Hatobuilico, nu’une bele servi komunidade tamba kaer ukun nee atu servisu laos manda ka hatudu liman.
Marka Prezensa iha Programa kampanha lori labarik sira fila ba Escola ne’ebe realiza husi Plan Internasional mak Reprezentan Administrador Posto Hatobuilico, Reprezentante Edukasaun Municipiu Ainaro, Reprezentante PNTL Posto Hatobuilico, Professores, alunus nomso inan aman balu.
Jornalista : Melvia Maria Mendonca
Editor : Joaquim Coutinho
