Racom Mauloko 01/02/2022; Fundasaun NAFOFILA parseria ho PLAN faselita formasaun ba joven feto sira konaba edukasaun saude sexual reproduktiva ba adolesente iha Municipiu Ainaro.
Ba Radio komunidade Maubessi Mauloko, Faselitador Hermenegildo de Andrade hateten, Fundasaun NAFOFILA parseria ho Organizasaun PLAN Internasional fasilita formasaun ho naran Training Of Trainer (TOT) ba daruak nian atu bele reviu fali partisipante sira nia kapasidade hodi bele desamina materia sira ne’ebe hetan ona hosi treinamentu liu ba nune’e bele ba iha baze.
“Ami husi Fundasun Nafofila parseiro ho Organizasaun PLAN Internasional halao treinamentu ne’ebe ho naran TOT hahalo ba daruak nian,atu bele revio fali maluk partisipante sira nia konhesementu liu-liu iha area edukasaun saude sexual reproduktiva ba adolosente sira, atu nune’e depois de treinamentu remata sira bele desamina fali informasaun sira ne’e ba feto maluk sira ne’ebe maka sei adolosente kaben sedu nia inpaktau maka liga ba sira nia saude”. Dehan faselitador ne’e.
Faselitador ne’e sublinha tan, motivu husi formasaun ida ne’e maka atu lori inan feton sira ne’ebe maka kaben sedu no nia impaktu ba saude nian no mentalidade sira nian.
“ Motivu hosi formasaun ida ne’e ita liga liu ba iha situasaun ne’ebe maka ohin loron inan feton sira hasoru hanesan problema social nian ne’ebe kaben sedu no lakoi infrenta ho situasaun ne’ebe realistis iha nia moris no ikus mak hodi so’e bebe no dalaruma mos afeta ba saude seksual reprodutiva nian”.nia hatutan
Alemde ne’e partisipante Josefina Sarmento Apresia tebes ho formasaun ida ne’e, tamba bele kapasita ona nia, no bele hatene diak liu tan impaktu hosi problema kaben sedu.
“Hau nia sentimentu kontente, tamba hetan ona formasaun ida ne’e no hanesan feto ida ne’ebe sai vitima ona iha kaben sedu nian, no liu hosi formasaun ida ne’e bele kapasita ona hau no enkoraja hau atu nune’e labele lakon hau nia mentalidade no Espiritu moris nian”.haktuir…..
Ba aktividade ne’e Fundasaun NAFOFILA parseria ho NGO Plan Internasional hala’o treinamentu durante loron tolu iha salaun me.Canossiana Sta.Josefina Bakhita, partisipante hamutuk nain 30.
Jornalista : Clementina Fàtima
Editor : Joaquim Coutinho
