Racom Maubisse, 01/02/2022, Estudante husi departementu Parteira Universidade Nasional Timor Lorosa’e UNTL 47 Pessoas termina sira nia estaziu iha Hospital Referral Maubisse.
Ba Radio Komunidade Maubisse Mauloko, Directora Executiva Hospital Referral Maubisse Dra. Gabriela da C. P. Magno hateten katak;
“Husi Hospital Referal Maubisse ami agradese ba UNTL tanba koperasaun ne’ebe mak lao ho diak, tamba ita hatene katak Hospital iha Maubisse hanesan Hospitalne’ebe mak Governu nian entaun pronto atu simu estudante ne’ebe deit husi Universidade ne’ebe deit importante servisu hamutuk ho Ministerio da Saude no hetan lisensa husi Ministerio da Saude, ne’ebe ita pronto deit atu estudante sira bele mai estazio iha fatin ida ne’e”.
Lider Maksima Hospital Referral Maubisse ne’e haktuir liu tan katak;
“Iha halao Estaziu refere ita senti hanesan lalais deit tamba ami foin mak simu agora ami tenki entrega fali, no sira mai hamutuk korenta oitu (48) maibe ida fila fali ba Nai Nia Kadunan Santu entaun ami entrega fali 47 pessoas, iha ne’e hau atu dehan deit katak servisu hamutuk ne’e laos Hospital deit Hospital ne’e simu deit maibe ida ne’ebe mak esforsu an tomak atu ajuda ita nia alin sira atu aprende buat ruma husi Hospital ida ne’e mak ita nia SIAI sira Parteira nain walu iha ne’e no mos parteira sira ne’ebe la tama ba iha SIAI, sira mos ajuda laos ne’e deit husi Departementu seluk Emfermeiru balun husi parte Laboratorio servisu hotu iha Hospital Maubisse”.
“Ami dehan katak se sira hakarak atu ba aprende to’o iha fatin ne’ebe deit bele asesu livre iha Hospital nia laran Departementu sira hotu importante mak tenki iha konesimentu husi Xefi Departementu sira entaun karik fulan tolu ne’e sira asesu ne’e SIAI sira mak hatene, hau fiar katak SIAI sira fo buat ne’ebe mak tuir modul ne’ebe mak fo buat ne’ebe mak imi fahe sira tenki hatene hau hare sira nia nota sira, sai diak hotu oitenta (80) ba leten karik hau senti setenta (70) mai karaik laiha, maibe oitenta (80) maioria hau hare noventa (90) mak lubuk ida parabens ba ita bo’ot sira ba alin sira ne’ebe mak hetan nota ne’ebe mak diak katak imi aprende katak imi mai iha Hospital Maubisse imi aprende dunik buat ruma husi Hospital Maubisse ida ne’e atu nu’une hanesan imi nia bukae ida ba iha futuru imi seidauk hotu imi seidauk remata sei kontinuasaun iha Universidade husu par atu ida ne’e ita bo’ot sira prepara an nafatin estuda nafatin atu nu’une bele atinji duni ita bo’ot sira nia mehi”.
Lori Hospital nia naran hau agradese ba SIAI nain 8 ita bo’ot sira fo dunik ita bo’ot sira nia tempu dalaruma feriado ita bo’ot sira la ba feriado hakarak atu eduka ita nia alin sira kona ba ita nia Hospital nia komitmentu katak labarik sira mai iha ne’e laos sira la hatene sira hatene buat oituan deit mos sira sai sira tenki lori pelumenus buat lubuk ida par sira bele lori ba Universidade, ne’ebe agradese ba ita bo’ot nain walu no mos parteira sira seluk ba mos kolega sira seluk ne’ebe mak ajuda mos ita nia alin sira.
Jornalista :Melvia Maria
Editor :Joaquim Coutinho
