Informasaun ne’e hato’o husi kooperativa Café Timor CCT In Affiliation With NCBA liu husi karta avisu ne’ebé maka Públika ona iha Radio Komunidade Maubisse  Loron 3 fulan Junho 2021. Iha karta ne’e hateten, sosa iha to’os Café ho nia Presu minimu $0,34 Sent kada kilograma no Agrikultór sira lori direitamente ba iha fábrika ho nia Presu $0,40 Cent kada Kilograma.

Tuir Standar ne’ebé  maka iha Cooprtativa Café Timor (CCT) sosa Café kulit tasak maka hanesan  sosa deit Café kulit mean husi Agrikultor ne’ebe maka sai ona  membrus Agrikultor Café Organiku. Alende ida ne’e  mós Cooperativa Café Timor (CCT) sei la sosa Café ne’ebe maka la tasak,  no dodok.

Tanba ne’e  ba komunidade Agrikultor sira ne’ebe maka la tuir standar ne’ebe maka mensiona maka sei haruka fila.

Entretanto karta informasaun ne’e asina direita hosi Direktor jerál CCT Xisto Moniz Piedade.

Jornalista         : Augostu Alves

Editor              : Moisese da Silva Magno