by

Dr. Horasio Sarmento: Munisipio Ainaro Nia Persentajen Vasina Foin Atinji 26,7%

Racom Maubisse: Surumutuk Entre Autoridade Local Posto Maubisse, Linhas Ministeriais hamutuk ho Ministeriu Saude no Ministeriu Interior iha Posto Administrativu Maubisse, Municipiu Ainaro, 3 de Setembro 2021, ho objektivu mak koalia konaba atinjimentu programa vasinasaun ne’ebe Munisipio Ainaro Nia Persentajen foin mak Atinji 26,7%.

Ba Radio Komunidade Maubisse Mauloko, Director Jeral Servisu Nacional Ambulansia dr. Horasio Sarmento da Costa, hateten katak;

Hanesan responsabel ba iha kampanhia Vasinasaun  iha Munisipio Ainaro ohin ekipa ida ne’e komposto Ministeriu Saude, inklui reprezentante husi Ministerio Interior, tamba Ministerio Interior hanesan Ministerio ne’ebe mak responsabiliza ba kampanhia vasinasaun iha Munisipio Kovalima no Ainaro depois hetan apoiu mos husi komandante Jeral PNTL mak reprezenta Komanante Arnaldo”.

 Objektivu husi surumutuk ne’ebe mak realiza iha Posto Administrativu de Maubisse, Municipiu de Ainaro mak kolia konaba lalaok vasinasaun iha Municipiu Ainaro, tamba seidauk atinji metas.

Tamba ne’e tuir  dr. Horasio Sarmento katak; “Objetivu principal mak halibur autiridade lokais sira hotu inklui chefe suku, chefe aldeia, Administrador Posto PNTL, para atu bele fo informasaun oinsa mak ita bele konvense komunidade sira para atu bele hetan vasina, tamba Ainaro Agora dadauk  iha  persentajem ne’ebe ki’ik liu foin mak atinji 26,7% no Ermera tiha foin mak ita, maibe agora Ermera nia numero ne’e atinji ona 28,6% signifika Munisipio Ermera sae uitoan no Ainaro sei nafatin ki’ik liu, maibe nafatin koopera ho autoridade local sira nune’e bele atinji tuir saida mak hatur ona iha politika governu nian katak tenke atinji to’o 75%”.

“Tamba ne’e husu ba komunidade sira hotu iha Municipiu Ainaro ho nia Posto Administrativu hat atu mai vaksin nune’e bele atinji tarjeitu, Tuir politika VIII governu konstitusional katak tenke atinji 75%, maske nune’e municipiu Ainaro rasik foin mak atinji 26,7%, Aileu 26,7% no Ermera 28,6%.

Tamba tuir dadus nasional ba ohin loron 6 de Setembro 2021 foin atinji 52,5%, signifika katak falta 22,5% hodi kompleta vasinasaun iha teritoriu Timor Laran tomak.

Mai hakbesik-an ba sentru saude hodi simu vasina,tamba ita nia saude iha ita nia liman rasik.

Jornalista   : Milvia Maria do Rego Mendonca

Editor         : Joaquim de Fatima Coutinho

Comment