Racom Maubisse (21/12/2021) Ba Jornalista Radio Komunidade Maubisse Mau-Loko xefe Suku Maubisse Villa Wilson Nivio Mendonça hateten, Lembransa ida ne’ebe maka konstroi husi Estudante Estájiadu Husi Universidade Dili Departementu Saude Públika iha Suku Maubisse hodi hametin diak liu tan lasu Amizade entre Suku Maubisse ho UNDIL.

“Kontenti tamba durante ne’e sira mai halo sira nia prátika iha Suku Maubisse iha prátika ida ne’e rasik sira hahu sosialija informasaun ba komunidade sira, alende ida ne’e sira mos rai hela lembaransa ida ne’ebe sira konstroi liu husi sira nia apoiu rasik. Ida ne’e hanesan lembransa furak ida ne’ebe atu kria lasu amizade entre Suku maubisse ho UNDIL, atu nu’une’e iha futuru bele halo koordenasaun nafatin ita nia alin estájiadu iha futuru sira bele mai nafatin iha Suku Maubisse” Hateten Wilson Nivio Mendonça ba Jornalista RKMM 21/12/2021.

Fatin hanesan Reiotr Universidade   Dili Jose Agostinho Belo hateten Estudante sira laos deit kontribui atu sai matenek maibe kontribui mos ba Sosiadade.

“Fundu ida ne’e organiza husi ita nia estudante sira e oreintador sira oinsa para sira bele halo,. Tamba ne’e maka sira laos kontribui deit oinsa atu sai matenek maibe kontribui mos ba Sosiadade ba Suku katak ida ne’e diak iha Maubisse laran” Hateten Aktual Presidente CNE Jose Agostinho Belo 21/12/2021.

Francelino do Santos hanesan Estudante Estájiado iha Maubisse hateten, nia Parte Senti Orgullu wainhira halao aktividade prátika sosiais iha Maubisse.

“Maubisse sai hanesan ami nia albu ida ne’ebe maka ami bele aprende diak liu tan iha prátika sosiadade nian, tamba ne’e ba hau senti orgullu tebes bainhira ami mai halo prátika sosial iha Postu Administrativo Maubisse” Nia dehan.

Jornalista         : Natalino Mendonça

Editor              : Moises da Silva Magno