Gabinete Secretário Estado Pescas Distribui Fini ikan 1.500 ba Komunidade hakiak ikan iha Maubisse.
Kinta Loron 29 fulan Jullu ne’e, Secretário Estado Peskas Liu husi Xefe Gabinete Francisco da Silva Costa distribui fini ikan Nila, hamutuk Rihun ida Atus Lima ba Grupu Komunidade hakiak ikan iha Postu Administrativo Maubisse Municipio Ainaro. Alende ida ne’e ikan oan ne’ebe maka lori mai iha Maubisse hamutuk Rihun Rua (2.000), Atus Lima ba Liquitira no Rihun Ida Atus Lima (1.500) ba Grupu Komunidade sira iha Maubisse Villa.
Hafoin de halao distribuisaun ba Jornalista Radio Komunidade Maubisse Mau-Loko Xefe Gabinete Secretário Estado Peskas Francisco da Silva Costa hateten, distribuisaun ida ne’e halao bajeia proposta ne’ebe maka hatama husi Grupu Komunidade hakiak ikan iha Postu Administrativo Maubisse.
“Mai distribui hela fini ikan ba ita nia maluk no grupu sira iha Maubisse ne’ebe maka hatama sira nia proposta ba iha Ministeriu. Ida ne’e objetivo katak ami mai kumpri ami nia planu, plano Secratário Estado Peskas ba tinan 2018 to’o tinan 2023, ho objetivo katak komunidade Timor-Leste ba oin nia bele konsumu ikan ba tinan ida kada ba ema ida 10kg.” Haktuir Francisco da Silva Costa ba Jornalista RKMM 29/07/2021.
Costa kuntinua hatutan tan katak, husi Parte Secretário Estado Peskas Sei Servisu hamutuk nafatin ho Ministeriu Agrukultura e Peskas hodi huntinua nafatin halao Distribuisaun Fini ikan hanesan ba iha Komunidade sira iha Timor-Leste Inklui Postu Administrativo Maubisse Municipio Ainaro.
Tamba ne’e husu nafatin ba komunidade sira atu kuntinua halo kolam be midar nian hodi hakiak ikan maske do’ok husi tasi. Basa liu husi aktividade hakiak ikan hodi redus importasaun ikan sira ne’ebe maka mai husi rai liur, wainhira konsumu bebeik bele fo’o impaktu ba Saude tamba ho nia durasaun tempu ne’ebe maka naruk wainhira to Mai iha Timor Leste.
Biban ida be’e mo’os tuir komunidade Martino de Almeida Carlos, ne’ebe maka simu ikan oan husi ekipa Secretário Estado Peskas hateten nian Parte senti Orgolho ho fini ikan ne’ebe maka nia rasik simu ona hamutuk ho nia Grupu.
Entertanto fini ikan ne’ebe oferes dadauk ba Komunidade Martino de Almeida Carlos ho nia Grupu iha Maubisse hamutuk Rihun ida Atus Lima (1.500)
Jornalista Moises da Silva Magno
Editor Racom Maubisse Mau-Loko
