Racom Maubisse-2024, Relasiona ho Vijita Presidente da Republica Jose Ramos Horta iha Fatin turismu komunitariu Koi lelo Suco Maulo, Posto Administrativo Ainaro Villa hodi Assina Plaka, ofrece mos apoiu nececidade baziku ba komunidade kbi’it laek balun iha suco Kasa, Maulo, Maununo, Ainaro Villa, no Suco Suro Karaik, aumesmu tempu Presidente da Republica Passa Mos fimde semana iha be tudak Kilelo.
Relasiona ho Vijita Presidente da Republica nian ne’e, Presidente Autoridade Municipal de Ainaro Manuela Georgina C. Bucar Corte-Real lori Komunidade Ainaro nia naran hato’o votus de boas vindas ba prezidenti da Republica;
“Hanesan Presidente Autoridade Municipal de Ainaro hakarak hato’o boasvindas ba Presidente da Republica hanesan aman nasaun, hanesan mos professor professor, ondra boot tamba aman nasaun bele mai vizita keilelo, fatin futuru turismu komonitario nian, ha’u fiar katak ho estatus figura mundial nia vizita ne’e lori Ainaro ba mundo, no sei lori mundo mai Ainaro, tamba ne mai ita prepara-an ho diak para depois quando, Ainaro ba mundo, mundo mai Ainaro, ita pronto para atu simu, mai ita hotu hatudu ita nia espresaun domin ba Súa Exelencia e mai ita hotu-hotu basa liman ba Súa Exelencia Presidente da Republica iha Ainaro”
Lideransa maksimu PAM Ainaro ne’e hatutan liu tan ba Presidente da Republica katak;
“Fatin ne’e iha uma lisan ha’at nian iha suku mau-ulu nian, tamba ne’e mak hau husu ba lia nain husi uma ha’at sira hakarak simbólikamente intrega rai ne’e ba Súa Excelencia Prezidenti da República para depois intrega fali mai Autoridade Municipial Ainaro hodi bele dezenvolve, oinsa maka fatin ida ne’e sai duni fatin ida ne’ebe mak atraitivu ba turismu komunitariu iha future”.
Hatan ba President Autoridade Municipal de Ainaro nia intervensaun ne’e, Prezidenti da República Jose Ramos Horta ho hamnasa uitoan haktuir;
“Afinal ohin iha ne’e imi halo festa boot ida hanesan atu simu fali Amu Papa, maibe agradese e hakarak mai duni, ami nia staf mos hateten no familia balun, difisiente, e ki’iak rabat rai, entaun lori ajuda tulun ruma mai familia sira ne’e, maibe iha fatin be’e matan ida tan bo’ot liu ida ne, mais do’ok liu ida ne’e dokomali, uluk tempu português ha’u mai to’o ona Ainaro e uluk tempo português ha’u jornalista iha governo portugues, ha’u sempre mai akompainha reportajen, dala ruma mai pasiar, e ba fatin hotu-hotu iha Timor-Leste, tempo português kedas ha’u mai e hahu independensia 2002 ha’u sempre nunka falta vizita munisipio sira, grupu balun, aldeia, iha primeiro mandato nudar prezidenti mos vizita e halo programa barak, ajuda ki’iak sira, hadia eskola balun, klinika, e ajuda estudante balun ba eskola, inkluindo balun ba liur, iha ne’ebe sira presiza tulun, entaun laos agora deit ou laos deit tempo kampainha, antes uluk hau nudar Prezidenti da República tinan sanulu, mesmu servisu iha liur kontinua ajuda sira ne’ebe iha ne’e”.
Iha Vijita Presidente da Republica refere simu ho kultura rai Ainaro nian, hetan prezensa maksimu husi Instituisaun relevante sira hotu iha Municipiu Ainaro, mak hanesan Presidente Autoridade Municipal de Ainaro ho nia Fungsionariu sira, Komandante PNTL Municipiu Ainaro ho membro sira, Lia nain, Administrador Posto Ainaro Villa, Administrador Hatobuilico, ho Komunidade Ainaro.
Aleinde vijita fatin turismu komunitariu keilelo, Presidente da República mos vijita Escola Santa Maria Ainaro, vijita picina natural no Istana ne’ebe konstrui husi Sr. Jose do Santos “Naimori” iha Ainaro.
Jornalista : Natalino Jose do Rego Mendonç
Editor : Joaquim Coutinho
