Racom Maubisse-2024: Maubisse Konhecido ho Fatin ba hortikultura, tuirsimu nomos sai hanesan sentru ba ekonomia iha rai klaran.
Relasiona ho Maubisse sai hanesan fatin ba hortikultura mak hafanu Domingas Mendonsa de Jesus husi Aldeia Hatufae Suco Maubisse Villa Posto Administrativu de Maubisse ho nia grupo husi aldeia Urahou, iha iniciativa hodi kuda aifunan nune’e bele fan ba merkadu hodi sustenta nececidade familia nian nomos selu oan sir aba escolar.
Ba Radio Komunidade Maubisse Mauloko, Domingas de Jesus esplika katak;
“Fofoun iha planu hodi kuda aifunan ne’e hahu kedas iha dia 16 de Junho 2023 ami komesa enkontro kona ba ai-funan nian, maibe seidauk realiza katak halo ka la halo, iha dia 26 julho ami tuir treinamento ida iha Liquica kona ba ai-funan nian, pratika kona ba hasai beden hanusa, pois atu kesi tali hanusa pois ukuran hanusa, depois fila husi liquica mai komesa iha fulan agusto ami hahu ta rai iha fulan Agusto, hotu ami komesa halo green house, hotu ami komesa kuda ai-funan, kuda ai-funan ne iha dia 22 de Setembro, ami komesa kuda ai-funan,ai-funan ne kuda iha green house, maibe ida pertama ne ami komesa kuda tia iha fulan outubro fali ami komesa kuda fali iha green house, komesa tama ona fulan Novembro-Dezembro aifunan mos komesa moris ona, maibe tamba iha hela 2019 ne ami nia ai-funan ne estraga deit tamba covid-19, entaun la konzege ema sosa, entaun ami halo promosaun fali iha Janeiro ba oin iha 2024 ne mak ema foin sosa fali.
Domingas de Jesus hatutan liu tan katak;
“Aktividades kuda aifunan ne’e hetan suporta husi Governu Japaun liu husi Embaixada Japaun apoia teknika husi PARCIC iha 2023, maibe antes ne’e ami kuda xa iha 2018 Parcic mak mai loke xa ne entaun ami kuda xa herbal, e ami kuda ai-funan ne lato hektares so iha deit green house tolu deit no aifunan ne’ebe ami kuda iha nemak hanesan krisan mutin ho kinu’ur e ba fali etatis ne karnezer, aster ungu, aster mutin, sira ne husi Indonesia nian, kona ba ai-funan husi Indonesia malae mak kirim mai mak ami ba foti iha airoporto, ida ne grupo pertama e ai-funan ne kuda iha grupo pertama maibe iha primero ne ami ema nain sanulu, maibe iha balu halo ketak tia e ami nain lima mak sei iha ne,e agora dadaun ami komesa hetan osan maisomenus $1000.00 resin ona e fulan junho ne mak foin tinan ida”.
Maske Domingas ho nia gropo iha ona iniciataiva hodi dezemvolve aifunan iha Retima Maubisse maibe sempre hasoru difikuldades;
“Problema ida ami hasoru nemak hansa dadauk be dalaruma iha e dala ruma mos be laiha, quando iha bai-loron ami hasoru difikuldade barak mak ba be’e, se karik bai-loron be menus entaun ami tenkiser ba kuru iha mota mai para hodi rega aifunan sira ne’e, ho ida ne’e mak ami esforsu hodi husu ba malae no malae konsege tau duni be’e ida iha leten atu nune bele fahe fali ba ami grupo sira ne’e, no agora dadaun ami hetan”.
Oras ne’e dadaun Domingas ho nia grupo hetan ona merkadu no aifunan ne’ebe sira kuda hetan lukru diak tamba PARCIC mak prepara merkadu iha Dili no semana-semana PARCIC mak mai tula hodi ba fornece iha merkadu sira ne’ebe mak prepara ona iha dili, no loja sira ne’ebe mak precisa aifunan iha dili ida mak hanesan loja ida iha Lecidere ho tan loja seluk.
Grupo ne’ebe mak existe iha Retima Maubisse kompostu husi ema nain lima, feto 4no mane 1, maske antes ne’e ema hamutuk iha grupo ne’e kuaze nain 11, maibe ikus sai tiha hotu falta deit ema nain 5.
Grupo Feto Aifunan Retimama, existe kleur ona maibe autoridade lokal husi Maubisse seidauk halao vijita ruma ba iha fatin refere, no husi sorin seluk Embaixador Japaun halao ona vijita iha fatin kuda aifunan refere hodi halo ona inaugurasaun.
Jornalista : Juvito Maria Nunes
Editor : Joaquim Coutinho
