Racom Maubisse-2024, Prezensa Parcic iha Maubisse besik tinan rua nulu resin ho objektivu mak atu sosa produtu local Komunidade nian hanesan café ho tan produtu local seluk. Maibe PARCIC la hare deit konaba oinsa atu sosa cfae maibe mos ajuda komunidade agrikultor sira oinsa facilita sira hanesan Estrada, ponte no mos apoiu sira seluk, nune’e bele facilita komunidade sira hodi asesu ba merkadu, escola, posto saude hotan meus sira seluk.
Relasiona ho assuntu sira haenesan mensiona iha leten ba radio Komunidade Maubisse Mauloko, Tekniku husi Parcic Dominicio Dany Estela Araoju informa ba Radio Komunidade Maubisse Mauloko katak;
“Atividade iha ne’e, hanesan liga ba Estrada ami hetan apoio husi governo japaun, no agora dadaun halao husi agensia PARCIC nebe tuir ami nia plano Estrada nebe mak agora dadaun ami hadia iha ne’e iha 800 metrus ital, maibe agora dadaun ami hadia uluk ponti boot ida ho box kaver kiik soe be nian ne’e hitu, inklui mos ho saluran iha 200 metrus, ba Estrada depois ami hare hamutuk tok depois de iha fali plano Segundo ba mak, sei cor pasadeira 100 metros, maibe ne’e depois sei iha faze kedua mai mak ami sei hare hamutuk”.
Tamba ne’e tuir teknika husi PARCIC ne’e rekomenda ba governu Timor Leste, liu liu Ministeriu Obras Public no PNDS katak;
“Se diak liu tan husu ba governo para bele apoia liu tan deit, nune’e bele hadia Estrada no ponte sira ligasaun husi suco edi ba Manetu Manelobas hodi bele facilita komunidade agrikultor sira hodi bele asesu ba merkadu, e komunidade nia oan sir abele asesu ba edukasaun no saude.
No konaba orsamentu hodi hadia ponte, saluran no pasadeira sira tekniku ne’e forma katak, hanesan teknik mai hare deit, kona ba orsamento se diak liu tan bele direta ho PARCIC no Embaixada Japaun.
Relasiona ho kondisaun Estrada ne’ebe at iha Kulbuti Suku Edi liga ba Raemera no ba Suco Manetu Maubisse, komunidade João Maria Lopes, ne’ebe hanesan chefe do grupo koperativa kokomau husi aldeida rai mera sucu edi maubisse ainaro, hateten katak;
“Estrada ho ponte ne’ebe oras ne’e dadaun at tamba impaktu husi udan laos foin mak at maibe Estrada desde kedan tempu portugues tempo Indonesia durante 24 anos to ukun an, Estrada area rurais ida ne’e estado hotu la tau matan ba povu nebe kiak iha area rurais ida ne, maibe agora foin mak iha iniciativa husi komunidade no hetan apoiu husi PARCIC ho koperativa kokomau hodi hadia dalan ne’e para komunidade nia oan asesu ba eskola nomos ba sentru saude”.
Tamba ne’e Komunidade husu ba governu liu liu Ministeriu Obras Public atu bele hadia dalan ligasaun Maubisse Villa ba Rita, Maulau, Kulbuti, Raemera ba Manetu nune’e komunidade bele asesu hodi fan sira nia produtu local ba merkadu, estudante sir abele asesu ho diak ba escolar, inan isin rua sira, ho moras grave sira mos bele asesu ba facilidade saude.
Jornalista : Juvito Maria Nunes
Editor : Joaquim Coutinho
