Racom Maubisse-2024: Excia Secretario Estado Komunikasaun Social ho Komitiva Vijita Radio Komunidade Maubisse, nune’e bele hare besik liu tan kondisaun Radio Komunidade Maubisse nomos bele hare oinsa servisu Jestor ho jornalista sira iha Radio Komunidade Maubisse Mauloko.
Relasiona ho Vijita SEKOMS refere, ba Radio Komunidade Maubisse Mauloko, Administrador Posto Administrativo de Maubisse Joaquin salsinha soares, hateten katak;
“Hanesan Administrador Posto Maubisse primero hakarak agradese ba Excelencia Secretario Estado Komunikasaun Social bele hakbesik mai hare direitamente kona ba kondisaun Radio Komunidade Maubisse Mauloko, nomos sei hakat ba vijita no hare diretamente konstrusaun torre RTTL EP iha Flecha Suco Aituto Maubisse, oinsa nia atinjimentu, tamba ne’e, hanesan administrador hau hanoin tempo diak ida mos atu hato ba SEKOMS katak hakarak ka lakohi tenki aselera torre RTTL EP ne’ebe hari iha Flecha, para povu sira bele asisti plano no programa governo nian e mos bele akumula difikuldade povu nian e inspirasaun povu nian atu nune bele lais liu e governo bele resposta povu sira nia hakarak momento sira nebe mak povu sira presiza liu husi infgormasaun e apoia ida ne’e laiha rejerva”.
Lideransa Maksimu Posto Administrativo de Maubisse ne’e aprofunda liu tan katak;
“Hanesan ita hatene katak ezistensia Radio Kominidade Maubisse Mauloko mai ho situasaun sira nebe mak ita la konkorda maibe Jestor Radio Komunidade Maubisse Mauloko ho jornalista sira iha vontade nafatin no espirito nebe mak bo’ot e sira lao nafatin no kontinua nafatin e entermos de koperasaun hau hanoin antes kedas koperasaun diak tebes”.
Tamba ne’e Administrador Posto Maubisse ne’e rekomenda ba SEKOMS atu nafatin apoia Radio Komunidade Maubisse liu husi Fundus transferensia public hodi nune’e bele ajuda jestor ho jornalista sira halao servisu iha Radio ho diak, liu liu konaba informasaun husi baze.
Jornalista : Juvito Maria Nunes
Editor : Joaquim Coutinho
