PLAN INTERNASIONÁL Liu Husi Programa Parentalidade No Nutirisaun Fasilita Formasaun Ba Komunidade,Difisiensia, Inklui Ema Ho Diversidade Iha Sede Suku Maubisse Maubisse Villa

0
14 views

Racom Maubisse (26/01/2024) PLAN INTERNASIONÁL Liu Husi Programa Parentalidade No Nutirisaun Fasilita Formasaun Ba Autoridade Komunitaria Komunidade,Difisiensia, Inklui Ema Ho Diversidade.

Ba Jornalista Rádiu Komunidade Maubisse Mau-Loko (RKMM) Sesta Feira ne’e iha Sede Suku Maubisse Villa, Project Officer ba Projetu Parentalidade Positívu no Nutrisaun Husi Plan Internasional, Dircia de Oliveira Martins relata, objetivu husi Formasaun ka Workshop ida ne’e maka oinsa atu hasa’e koiñesementu Lideransa Komunitaria sira, Ema ho Kondisaun Difisiensia, Diversidade, inklui Komunidade sira  kona-ba importansia husi Loron Rihun Ida dahuluk, no oinsa knár hanesan Inan Aman tau matan ba oan sira liga liu ba iha Saúde Nutrisaun.

“Objetivu husi aktividade no formasaun ida ne’e maka oinsa atu hasa’e Koiñesementu no konsensia husi ita nia Lider Komunitariu sira, inkui ita nia maluk Difisiensia sira no mós ita nia maluk Diversidade, ho Komunidade sira importate husi Dezemvolvementu sedu ba labarik sira no mós importante husi loron Rihun Ida dahuluk.” Informa Dircia.

Nia kuntinua hatutan liu tan katak;

“Sesaun sira ne’ebé maka ami fahe ba iha benefisiuaria sira ohin premeiriu ami liga liu ba iha Labarik ida-idak espesial, sigundu kona-ba  labarik feto no labarik mane ne’e signifika saida hare liu kona-ba kontekstu Sexo no Jenéru, no tersiru sesaun ne’ebé maka ami lori kona-ba nesasidade espesial liu-liu ba ita nia maluk ne’ebé maka ho kondisaun Difisiensia inklui mós ita nia maluk sira ne’ebé maka Diversidade. Depois ho tan sesaun ida tan maka saida maka ita halo hodi fó suporta atu asegura ita nia kondisaun lao diak maka ami tau mós imprtansia husi loron Rihun Ida dahuluk, kona-ba oinsa ita hanesan Inan ho Aman ita nia knár tau matan ba oan sira liu husi Saúde no Nutrisaun. Atu núne’e ba oin karik labele akontese tan dezemvolvementu tarde sir aba ita nia oan.” Esplika  Project Officer ba Projetu Parentalidade Positívu no Nutrisaun Husi Plan Internasional, Dircia de Oliveira.

“Formasaun ida ne’e mós hanesan atu hasa’e konsensia ba iha ita nia Lider Komunitáriu sira atu nafatin sosializa ba ita nia Komunidade sira kona-ba termus balun ne’ebé ita kesi ba ita nia maluk Difisiensia sira ne’ebé halo sira la konfortável no nafatin halo diskriminasaun ba sira. Tamba ne’e maka ho sesaun ida ne’e ami involve sira hodi hatudu katak la halo diskriminasaun ba ema ida. Involve hotu ita nia maluk sira ne’e partisipa atu bele apar ho Siensia ne’ebé maka ita iha liga ba modul Parentalidade Positívu ba iha Inan Aman sira, Lideransa Komunitária, inklui ho ita nia Maluk Difisiensia ho ita nia maluk Diversidade sira”. Hatutan  Dircia de Oliveira.

Fatin hanesan Xefe Aldeia Liqui-Tei Suku Maubisse Villa Carlos Mendonça hateten, hanesan Lideransa Komunitária partisipa iha formasaun ida ne’e intersante tebes, hodi kuntinua transmiti hikas ba nia Komunidade sira ne’ebé oras ne’e dadaun nia ukun ba.

“Formasaun ida ne’e ami senti iha benefisiu tebes mai ami hanesan lideransa iha Aldeia. Mesmu la tó 100% ba mais 50% ami bele komprende netik saida maka ami aprende durante loron tolu iha ne’e husi Plan Internasional”.  Tenik Carlos Aktual Xefe Aldeia Liqui-Tei.

“Iha ne’e ami aprende kona-ba saida maka Nutrisaun ba Labarik sira, Sexo, Jenéru, no dezemvolvementu kona-ba labarik kík sira hahú husi Inan nia Kanotak. Tamba ne’e maske ami lahatene barak maibe husi itoan ne’ebé ami hetan ami fila ba sei fahe fila fali informasaun ne’ebé maka ami hetan iha ne’e husi Plan Internasional ba fali ami nia Komunidade tuir Koiñesementu ne’ebé maka ami iha.” Hakotu Xefe Aldeia ne’e.

Entertantu tuir tárjeitu ba Formasaun ne’e akumula ema nain 20 maibe tamba kondisaun Klima anin no udan iha deit partisipantes hamutuk nai 15 maka tuir formasaun ida ne’e iha Sede Suku Maubisse Postu Administrativu Maubisse Munisípiu Ainaro.

Jornalista         Moises Magno

Editór              Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments