Racom Maubisse (19/01/2024) Sesta Loron 19 Fulan Janeiru foin dadaun ne’e Ekipa Komunity Land Cuiser Timor-Leste tó iha Kapela Ave Maria Felcha Suku Aituto Postu Administrativu Maubisse Munisípiu Ainaro, simu direita husi Amu Pároco Maubisse Pe. João Soares Xefe Suku hamutuk ho Sarani sira.
Ligado ho apoiu ne’ebé maka oferese husi Komunity Land Cruiser Timor-Leste Amu Pároco Paroquia Imaculado Coração de Maria Maubisse (PICOMA) Padre João Soares Liu husi Interivista ho Jornalista Rádiu Komunidade Maubisse Mau-Loko hateten, ajudus ne’ebé maka oferese ne’e osan ho montante Dolares Rihun Ida Atus Ha’at Rua Nolu. Tamba ne’e Nai Lulik ne’e konsidera, ne’e hanesan Grasa ida ne’ebé Oferese husi Nai Maromak ba Sarani Kapela Ave Maria Flecha husi Komunity Land Cruiser Timor-Leste.
“Grupu Land Cruiser Timor-Leste hau kontaktu ona ho sira iha fulan hirak liu ba atu mai iha fulan ida liu ba maibe iha difikuldade balun. Nu fim hori bairua hau simu Telefoni ne’ebé ohin sira mai iha ne’e. Ohin sira tó iha Komunidade ka Sarani iha Kapela Ave Maria Felcaha ne’e kontenti no simu sira nia vizita no sira lori ajudus hamutuk $1. 420.00 (Rihun Ida Atus Hát Rua Nolu Dolares Ameríkanu), ne’ebé ba ita hanesan Grasa ida ne’ebé Grupu Land Cruiser TL oferese. Ohin mós iha ne’e Prezidente Land Cruiser TL dehan katak la promote maibe atu iton ka barak sira sei kuntinua kópera hodi servisu hamutuk ho Komunidade iha ne’e hodi lori Konstrusaun ida ne’e ba oin”. Tenik Amu Pároco Maubisse 19/01/2024.
Nai Lulik ne’e kuntinua hatutan Antes ne’e halao ona Surumutuk ho Sarani Kapela Ave Maria Felcha, no prokupasaun ne’ebé maka komunidade no Sarani infrenta maka Finansiamentu ba Konstrusaun Kapela refere no sira pronto servisu. Ho Ida ne’e maka Motiva Nai Lulik ne’e Hamutuk ho Xefe Suku Aituto Buka dalan ida ne’e hodi hakman kontribuisaun husi Sarani sira ne’ebé Partense ba Kapela Ave Maria Suku Aututo Maubisse.
“Hanesan ita hotu hatene hau mai iha ne’e foin maka fulan lima ho balun, maibe iha momentu ne’ebá hau halo diálogo ho komunidade sira iha ne’e sira hateten, hanesan atu servisu ami pronto maibe termo finansial nian maka ami la tó katak difuldade bót ida ba sira entaun ho sira nia hanoin sira ne’e maka motiva hau hamutuk ho Katekista, Xefe Suku hodi buka dalan Grasa de Deus Grupu ida ne’e atende ita ne’e ho diak”. Esplika Pe. João Soares.
Tamba ne’e ba Sarani no Komunidade Flecha Suku Aituto Postu Administrativu Nai Lulik ne’e husu;
“Hanesan komunidade tenki sente katak ida ne’e ita halo ita nia uma kreda ne’e ba ita, se ema seluk iha ona antuziasmu hakarak ajuda ita entaun ita rasik tenki apresia no agradese ba Maromak, husi ita nia parte tenki hakas-an kolabora hamutuk para servisu ne’e Kaman ou todan ita hotu-hotu tenki hamutuk para hodi halo servisu labele fo todan ba ida seluk hateke maibe ita hahú ona servisu atu núne’e Maromak fó dalan liu husi ema hirak ne’ebé laran luak hakarak atu ajuda. Tamba ne’e bainhira ita hahu ona ema mai hare sente duni katak los duni ita fó no ema hahu duni servisu, se ema ajuda ona maka ita la ajuda malu hodi lori servisu ne’e ba oin, ida ne’e hanesan ita rasik taka dalan. Maibe hau fiar katak sira sei hakas- an hodi servisu” Hakotu Pe João Soares.
Jornalista Moises Magno
Editór Joaquim Coutinho
