Maubisse (22/01/2024) Ema Deskuiñesidu Baku Rahun Fatin Ismola Hodi Foti Osan Promesa Nian Husi Sarani No Vizitantes Iha Gruta MADED Biheturem Maubisse.
Ba Jornalista Rádiu Komunidade Maubisse Mau-Loko, Lucas Martins Lopes iha Gruta MADED Biheturem liu husi Intrevista hateten;
“Ema deskuiñesidu ne’ebé maka baku rahun no Subu Kovre Promesa nian ne’e ami lahatene no Akontesementu ne’e hor kalan loron 21 fulan Janeiru 2024. Depois ohin dader Kolega mai hasa’e orasaun hare ba hanesan ne’e hela”. Hateten Inisatór ba Gruta MADED Lucas Martins Lopes 22/01/2024.
“Gruta ne’e hahú husi Inaugurasaun tó ohin loron seidauk hasai osan promesa nian husi Sarani no Vizitantes sira ne’ebé mai halo orasaun iha Gruta ne’e. Iha dader ida ohin ne’e maka ami foin hetan ami prepara atu ba fó hatene ba Amu Pároco ba mós viziñu sira iha ne’e atu toma atensaun ba ida ne’e. Ami senti tristi no laran susar tebes tamba ida ne’e ema hotu nia susar ema hotu nia terus ne’ebé maka mai hasa’e iha fatin ida ne’e . Depois ema mai sobu hanesan ne’e ami senti laran susar tebes, tamba ida ne’e atu husu ba Komunidade no Sarani sira ita atensaun ba ida ne’e tamba ho hahalok ida hanesan ne’e hatudu ezemplu ida ne’ebé la diak ona ba ita nia fiar hanesan Sarani”.
Hanesan Sarani Marcelina Espirito Santo senti tristi ho hahalok ema deskuiñesidu ne’ebé sobu no foti osan Iha Nain Feto Nia Ain.
“Akontesementu ne’e hau senti tristi hanesan Komunidade e Sarani mós tamba fatin ida ne’e prepara ba ita hotu Sarani Maubisse, ho akontesementu ida ne’e halo ami funa moras. Tamba fatin ida ne’e ba ema hotu atu mai hasa’e sira nia orasaun, hasa’e susar no terus mai hotu iha fatin ida ne’e, maibe ho akontesementu ida mosu hanesan ne’e hau núdar komunidade hau nia fuan moras e tristi tamba ida ne’e afeita ba ita nia fiar hanesan Sarani. Tamba ne’e hau sujere hela ba komunidade sira hela besik iha mai ita hotu hamutuk fó hanoin ba malu atu hare ba fatin ida ne’ebé maka ohin hetan akontesementu ida ne’e, tamba fatin ne’e fatin sagrada ba ita Maubisse iklui mós ba Munisípiu sira hotu.” Hateten Marcelina Espirito Santo.
Jornalista Moises Magno
Editór Joaquim Coutinho
