Maubisse (12/01/2024) Joaquim Salsinha Soares hateten lia ne’e ba Jornalista Rádiu Komunidade Maubisse Mau-Loko (RKMM) sesta ne’e hafoin entrega servisu husi Administrador Sesante.

“Ida ne’e prioridade hau fiar ida ne’e ita sei halo. Ajenda premeiru ba hau maka sei enkontru  ho Xefe Suku sira hodi aprejenta prioridade saida maka ita sei halo ne’e premeiru maka ida ne’e. Sigundu ita kolia kona-ba hanesan pregunta ohin dehan mai tenki halo maibe dahuluk tenki iha koperasaun ne’ebé maka diak oinsa maka ita bele halo ida ne’e. Ne’ebé ita fiar katak ho mandatu ne’ebé maka hau iha sei nafatin esforsu oin nusa maka ita bele ultrapasa ida ne’e,” Tenik Administrador Postu foun 12/01/2024.

Tamba ne’e ba Xefe Suku nain 9 iha Postu Administrativu Maubisse Autoridade Másimu Postu ne’e liu husi nia Mensajen hateten;

“Mensajen husi hau hanesan Administrador Postu ba Xefe Suku nain 9, no Xefe Aldeia sira hotu buka atu hakbesik-an ba ita nia povu sira buka hatene povu nia hakarak saida atu núne’e it abele lao ba oin,” Hakotu Xefe do Postu Foun.

Entertantu Administrador Postu Foun simu Posse husi Governu Liu husi Ministru Administrasaun Estatal (MAE)  Tomás do Rosário Cabral loron 11 fulan Janeiru ne’e, no loron 12 foin lalais ne’e simu ona servisu husi Administrador Sesante Claudino Mendonça.

Jornalista                     Moises Magno

Editór                          Joaquim Coutinho