Racom Maubisse (16/12/2023) Governu Liu husi Ministra Solidaridade Sosial no Inkluzaun Esklarese ba Públiku kona-ba Rajaun Hapara Bolsa Da Mae Jerasaun Foun, Maibe Kuntinua ho Bolsa Da Mae Kondisional.
Ministra Solidaridade Sosial no Inkluzaun Verónica das Dores hato Klareza ne’e ligadu ho prokupasaun ne’ebé maka ható husi Xefe Suku Manelobas Postu Administrativu Maubisse Munisípiu Ainaro Julião Pereira Tilman “MAUBULAN” iha seremonia agradesementu ba Populasaun Suku Manelobas Postu Administrativu Maubisse Munisípiu Ainaro.
“Ita hatene Polítika agora atu taka Bola Da Mae Jerasaun Foun Esélensia Ministra karik iha Polítika seluk atu troka ida ne’e. Bele esklarese tamba Bolsa Da Mae Jerasaun Foun ne’e ami hare katak, kíkoan sira ne’e Inan Aman ba forma iha Banku Maubisse foti osan hola kedas ikan, susben mai sira han hemu hodi hodi fó enerjia kakutak fresku bele estuda no halimar iha Suku Manelobas tamba ita hatene katak kíkoan sira maka fini ba Rai Doben RDTL ida ne’e”.’Tenik Xefe Suku Manelobas MAUBULAN 16/12/2023.
Hatan ba ida ne’e Ministra Solidaridade Sosial no Inkluzaun Verónica das Dores hateten;
“Apa Ama sira rona didiak nusa maka hapara Bolsa Da Maen Jerasaun Foun ne’e. Jerasaun Foun ne’e hanesan Bolsa ida ne’ebé ba Hot-hotu Lei maka fó dalan Bolsa ida ne’e bolu Universal katak ba ema Hot-hotu se Ministra hau maka Isin Rua mós Hau bele simu osan Ministra hau bele simu mós Bolsa Da Mae tamba Lei maka fó. Ministra Nia Oan maka Isin Rua mós bele foti tamba Universal ba ema hotu, Deputadu Ninia Oan ka Ninia Feto Foun maka Isin Rua bele simu. Entaun ita bót sira labele krítika katak ema ne’ebé moris diak ona diak ba nafatin ami ne’ebé kiak, kiak nafatin ho ida ne’e ami ho hanoin ida katak ita tenki hadia, ita hotu hatene katak laos Verónica maka hapara maibe Konsellu Ministru katak hare no avalia analiza no tetu katak labele tamba ne’e ita fó marjen ida la diak Riku Riku Nafatin Kiak Kiak nafatin entaun ita hapara tia. Orsamentu ne’e 50% mai husi Australia 50% ita nia Governu.” Esklarese Ministra Solidaridade Sosial no Inkluzaun.
Hau ema ne’ebé servisu ba Bolsa Da Mae Kondisional iha Quartu Governu Kondisional hahú iha tempu ne’ebá. Hau atu hatete iha ne’e Bolsa Da Mae Kondisional ne’e ita hare ba maluk sira ne’ebé presija liu ita hare ba Inan Faluk sira problema teb-tebes atu hetan Dolar ida ou Dolar rua hodi sosa ba ninia oan nia Kadernu ka Lapis entaun iha momentu ne’ebá ita halo kriteria 3 Oan barak ninia oan ida ka rua tama Bolsa Da Mae Kondisional, Inan sira ne’ebé Kbít Laek, ita mós halo Inan ne’ebé abandonadu iha momentu ne’e ita halo hanesan ne’e maka ita halo Bolsa Da Mae Kondisional”. Hatutan Ministra Verónica.
Tamba ne’e tuir Polítika Nunu Governu Liu husi Ministériu Solidaridade Sosial no Inkluzaun disidi sei fornese aihan ne’ebé maka Nutristivu ba Bebe no Inan Isin Rua la Fornese osan direita razaun utulizasaun la ba labarik maibe ba fali Obralan iha Merkadu no seluk fali uja ba halo Lia Mate no Lia Moris.
“Tamba ne’e maka ami nia hanoin katak, se Inan Isin Rua ita fo karik maka Aihan, Susuben para nia han hemu hodi labarik diak iha ninia isin duke ita fo osan serake nia sosa buat ruma ka lae, keta halo ba nia halo tia lia, nia ba hola tia Obralan, iha fatin balun sira joga tia Bingo. Entaun saida maka ita hakarak hanoin diak hanesan Xefe Suku Foun hateten, ita halo buat ida ne’ebé Sustentabolidade ba ita nia Povu laiha Govenu ida hanoin at ba nia Povu Governu ne’e iha hanoin diak onisa maka ninnia Povu moris diak.” Haktu Ministra Solidaridade Sosial no Inkluzaun.
Jornalista Moises Magno
Editór Joaquim Coutinho
