Racom Maubisse (16/12/2023) Aktual Xefe Suku Manelobas Postu Administrativu Maubisse Munisípiu Ainaro, Julião Pereira  Tilman “MAUBULAN” hateten ninia Prontidadun ne’e liu husi nia diakursu iha Seremonia Agradesementu ba Povu Suku Manelobas Sabadu Fim de Semana ne’e (16/12)

Seremmonia agradesementu ida ne’e halao tamba realsiona ho Elisaun Suku ne’ebé Demokrátikamente Povu Suku Manelobas  eskolla no hili Julião Pereira  Tilman “MAUBULAN” hanesan Xefe Suku Manelobas ba Priodu 2023-2030, hetan ona Pose husi Vise Ministru Saúde iha loron 28 fulan Novembru Tinan ne’e iha Prasa de Restaurasaun Postu Administrativu Maubisse Munisípiu Ainaro.

Iha Ministra no Vise Ministra  Solidaridade Sosial ho delegasaun tomak husi Nasional no Povu husi Suku Manelobas no Manetu Maubisse liu husi diskursu  MAUBULAN  hateten;

“Gloria no Hondra bót ba Heroi Martiris da Patria Libertasaun Nasional, ba Lulik no Kesan Natureza Manelobas nian maka atan hau Hahí, Hakrúk no Kolisensa. Husi sira ne’ebé hau mensiona núdar Jerasaun Foun mout iha sira nia Rejistensia, Persistensia, Konsistensia hodi Servi Povu Manelobas ho Lealidade.” Diskrsu Aktual Xefe Suku Manelobas Maubisse 16/12/2023.

Autoridade Komunitariu Suku Manelobas ne’e Rekorda mós katak Problema ne’ebé maka Populasaun husi Suku rua Manetu no Manelobas hasoru no infreta durante ne’e maka Estrada, Be Mos, Saude, no Roman Eletrisidade inklui problema Sosial Seluk ne’ebé maka Populasaun husi Suku 2 infreta durante ne’e.

“Atan hau hanesan Xefe Suku Manelobas ho Xefe Suku Manetu Postu Administrativu Maubisse Munisípiu Ainaro Reprejenta Populasaun totál 4.080 (Rihun Hát Walu Nolu) totál Manelobas 1.389 (Rihun Ida  Atus  Tolu  Walu Nolu Resin Sia) no Manetu 2.691 (Rihun Rua Atus Nen Sia Nolu Resin Ida). Populasaun Suku Manetu Manelobas ami hanesan Suku Izoladu ida iha Klaran entre Postu Administrativu Maubisse Kuaje 24 Kilometrus no 15 Kolimetrus husi Postu Administrativu Turiscai ne’ebé sei senti nakukun nafatin ba Dezemvolvementu iha tempu Ukun Rasik-An (URA). Haré ba situasaun sira iha leten ami hanesan Lideransa Komunitaria indentifika tipu problema sira hanesan, Estrda at ba bebeik at liu tan wainhira udan monu rai hanesan agora dadaun, limita asesu produtu Populasaun nian ba merkadu barak maka estragus afeita mós ba presu hahan konsumu nian aumenta tamba laiha kondisaun Estrada ne’ebé maka diak. Asesu ba trasporte Inan Isin Rua nian difisil tebes wainhira iha situasaun emerjenjia no mós ba Populasaun enjeral. Falta asesu ba Ferik Katuas sira hodi asesu ba servisus atendementu BI no Sertidaun RDTL ba Pensaun Sosial. Falta Infestrutura Saúde nian no Doutores hodi fó atendementu ba Populasaun Suku 2 no Suku Viziñu sira seluk liu-liu ba Labarik Inan Isin Rua no Idozus. Falta Instalasaun Eletrisidade hodi kobre ba populasaun mesmu balun hetan ona no balun la hetan, no balun sei Instala ho Au Bentun ne’ebé sei fó Perigu ba Komunidade nia Vida.” Relata  Xefe Suku Manelobas Julião Pereira  Tilman “MAUBULAN” iha ninia diskrsu.

“Rekomendasaun husu ba Sua Esélensia Premeiru Ministru RDTL hodi kuntinua hikas rehabilitasaun ka konstrusaun Estrada ne’ebé paradu deste tinan barak nia laran.  Husu Sua Esélensia Premeiru Ministru RDTL Maun Bót Kay Rala  Xanana Gusmão atu estabelese Sentru Saúde Integradu ida iha Suku Manelobas ne’ebé antes ne’e hetan ona survei iha Governasaun sira liu ba Maibe seidauk realija. Husu Sua Esélensia Premeiru Ministru RDTL Maun Bót Kay Rala  Xanana Gusmão atu Re Instala Be Mos ne’ebé dada husi Kotomatan Suku Manelobas Benefisiu ba Suku 2 durante ne’e la funsiona ho diak. Husu Sua Esélensia Nai Premeiru Ministru RDTL Maun Bót Kay Rala  Xanana Gusmão atu hadia kondisaun Eskola fasilidades ba Labarik sira iha Suku Manetu no Manelobas. Ida ne’e deit maka Suku 2 Manetu no Manelobas ba Sua Esélensia Nai Premeiru Ministru RDTL Maun Bót Kay Rala  Xanana Gusmão Nia Konsiderasaun la haluhan ható Obrigadu wain Manelobas 16 de Dezembru 2023, Reprejentante Xefe Suku Manelobas no Manetu Xefe Suku Manelobas Juliõ Pereira Tilman Xefe Suku Manetu Vicente Pereira Koiñesementu Administrador Postu Administrativu Maubisse  Claudino Mendonça Reprejentante Konsellu de Suku husi Suku 2 no Veteranos husi Suku 2.” Husu Autoridade Komunitariu husi Suku Manetu no Manelobas ba Nunu Governu Konstitusional.

Aumesmu tempu hafoin de aprejenta Prokupasaun no rekomendasaun sira hanesan mensiona ona dadaun simbolikamente entrega direita ba Governu Liu Ministra Solidaridade Sosial no Inkluzaun Verónica das Dores akompaña husi Administrador Postu Maubisse no Ajisti direita husi Komunidade Suku Manelobas no Manetu ne’ebé Partisipa direita iha seremonia Agradesementu ida ne’e iha Resintu Sede Suku Manelobas Postu Administrativu Maubisse Munisípiu Ainaro.

Hafoin Simu Dukumentu ida ne’e husi Autoridade Komunitariu Suku Manetu no Manelobas Iha Populasaun Suku rua  Nia oin Liu husi Diskrsu Ministra Solidaridade Sosial no Inkluzaun Verónnica das Dores promote prokupasaun no rekomendasaun husi Populasaun Suku 2 Governante sei intrega no Aprejenta iha Reuniaun Konsellu Ministru.

“Dukumentu ohin hau simu tia ona  semana oin karik  seidauk iha Konsellu Ministru tamba sei okupadu ho Orsamentu Jeral do Estadu (OJE) 2024 debate iha Parlamentu. Kolia Kona-ba Eletrisidade hau espera ke sei lao sei tó, Edukasaun hau Sei Kolia ho Mana Dulce, Saúde hau sei ható mós ba Ministra Elia”. Kompromente Governante ne’ebé toma Konta ba Asuntu Sosial ba Populasaun Suku Manetu no Manelobas.

Partisipa iha Seremonia Agradesementu ida ne’e,  Ministra hamutuk ho Vise Ministra Solidaridade Sosial no Inkluzaun, Diretur Ajensia Dezemvolvementu Nasional (AND), Reprejentante husi Ministériu Obras Públika (MOP), Inklui Autoridade Lokal no Seguransa Postu Administrativu Maubisse Munisípiu Ainaro.

Maske ho Kondisaun Udan Maibe Komunidade husi Suku rua Kontei ho Ksolok hodi festesa Seremonia  hamutuk Reprejentante Governu Sentral.

Joenalista                     Moises Magno

Editór              Joaquim Coutinho