Racom Maubisse 12/12/2023. Relasiona ho Natal 2023 ho tinan foun 2024, Doutora Rotilia Julio Cristina Reis Riberu, hakarak hato’o nia mensajem ba Komunidadem em jeral iha Posto maubisse no especial ba juventude sira atu selebra Natal ho ksolok nakonu ho esperanca, katak ho Jesus Kosok Oan ne’ebe atu mai sei lori paz dame no hakmatek mai ita hotu, nune’e mai ita hotu prepra-an hodi simu Kosok Oan ho ksolok, nune’e Kosok Oan bele mai moris iha ita nia le’et.
Tamba ne’e ba Radio Komunidade Maubisse Doutora Rotilia Julio Cristina Reis Riberu hakarak hato’o Mensagen ba komunidade no populasaun liu-liu jovens sira iha postu Admininistrativo Maubissekatak iha tempu Natal 2023 no tinan foun 2024 nian katak;
“Natal no tinan foun ne’e hodi solok mai ita hotu ita , tamba ne’e ita ida idak tantu labarik, klosan no feto ran ferik no katuas presiza diverte ho kontenti ho familia no kolega sira hodi hanoin didiak katak maske kontenti, haksolok tenki kuidadu ita nia saúde, liu-liu hadok-an husi hemu lanu ne’e para labele halo problema no labele mosu dejastre ruma hodi nune’e ita bele simu tinan foun 2024 ho solok, liu his espritu ne’ebé maka foun no diak liu tan hodi desemvolve ita nia rai”.Haktuir Doutora Rotilia Julio Cristina Reis Riberu .
Natal ho tinan foun mai ita laos buat foun no buat ne’ebe foun mai ita mak muda tinan no tempu maibe data nafatin. Ho nune’e husu ba komunidade sira hotu liu liu jovens sira atu hadok-an husi problema, liu liu konsumu alohol karik labele kria problema iha komunidae nia le’et. Mai ita hamutuk kontribui ba paz no dame hodi simu Kosok Ona Jesus nune’e bele mai tama iha ita idak nia laran hodi bele haraik mai ita esperitu tinan foun nian hodi halao aktividades sira iha tinan foun ho domin, damen no responsabilidade ba ita nia igreja no ita nia nasaun Timor Leste, basa Ita nia Rai precise ita hotu nia kontribuisaun.
Jornalista : Joanina da Lus
Editor : Joaquim Coutinho
