Maubisse (22/11/2023) Konsellu Kombatentes Libertasaun Nasional (CCLN Sigla Portugés) sei loke hikas Rejisrasaun iha tinan 2024 wainhira dadus Resjitradu tinan 2009 reslovidu ona.
Prezidente Konsellu Fiskal CCLN Angelho de Almeida Gudinho AITARA, ható informasaun ne’e ba Jornalista Rádiu Komunidade Maubisse Mau-Loko hafoin fiskaliza prosesu Verifikasaun dadus Veteranos Rejistradu 2009 Kuarta loron 22/11/2023 iha Postu Administrativu Maubisse Munisípiu Ainaro.
“Iha ona diskusaun ne’ebé maka informal katak, ita nia Funu ne’e Funu ida ke organizadu, Sistematizadu, Kórdenadu, Lulik, Segredu e Sagradu. Siknifika katak, ema barak maka partisipa buat ne’e barak ho sintidu partisipasaun laos ho didikasaun maibe atu hatene ne’e tenki liu kona rejistu neste momentu servisu ne’ebé agora ita halo dadauk Verifikasaun ne’e mai husi servisu ne’ebé maka rohan husi Komisaun Omenajen Konsellu seidauk iha planu propriu ba iha rejistu ninian ba foun fali. Espera katak, ba oin 2024 wainhira resolve ona problema 2009 ita sei iha tan kuadu ema barak seidauk rejistu klaru ke Konsellu tenki prepara-an para halo fali ninia modelu ne’e halo nusa para depois loke fila fali rejistu ba sira ne’ebé maka durante ne’e seidauk ba rejistu ou balun rejistu tia ona mais lakon tia tamba situasaun ba servisu tia iha rai liur. Tamba ne’e ita tenki konsidera hotu ema nia direitu, atu dehan deit katak direitu Timor-Oan ne’ebé partisipa iha Funu ida ne’e sei la lakon bainhira deit Nasaun sempre hare tamba konsagra tia ona Konstituisaun RDTL Artigu 11 sobre fó Hondra ba ita nia Kombatentes no Veteranos sira.” Hateten Fundador ba Organizasaun Unidade Nasional no Kolaborador ba Komandu Regiaun III iha tempu Rejistensia, aktual Prezidente Konsellu Fiskal CCLN Angeho de Almeida Gudinho AITARA iha Studiu Rádiu Komunidade Maubisse Mau-Loko (RKMM) 22/11/2023.
“Konsellu tolu ne’e iha kóperasaun diak teb-tebes tantu Konsellu Administrasaun, Konsellu Fiskal no Konsellu Disiplina ne’e ami sempre iha diskusaun ne’ebé maka klean li-liu oinsa atu haré no fó tratamentu ne’ebé diak dignu atu resolve hotu problema Veteranos sira nian tantu sira ne’ebé rejistu no sira ne’ebe seidauk rejistu. E Konsellu nia servisu maka ida ne’e tamba iha ita nia Lei ne’ebé fó mandatu ba ita fó poder ba ita hanesan orgaun ne’ebé iha lezitimidade ba area asuntus Veteranos ne’e maka Konsellu Veteranos ne’e rasik CCLN wainhira ita deskobre katak balun seidauk rejistu klaru ke tenki loke fila fali ba halo rejistu foun”. Hakotu Prezidente Konsellu Fiskal CCLN AITARA.
Jornalista Moises Magno
