Racom Maubisse (12/11/2023) Uma Oan Hamutuk Ho Umane No Fetosan Tau Forsa Hamutuk Troka Hikas Dút Uma Lisan Maunlor Iha Manumera Mulo

, ne’ebé nia lokalizasaun iha Aldeia Manumera Suku Mulo Postu Administrativu Hato-Builiku Munisípiu Ainaro.

Hafoin halao ho seremonia kultural hodi finaliza prosesu tomak hahu husi preparasaun ba matreais sira to nia finalizasaun ne’ebé halao Domingu foin dadaun ne’e iha Knua Maunlor Aldea Manumera ba Jornalista Rádiu Komunidade Maubisse Mau-Loko (RKMM) Oan Mane Husi Lisan Maunlor Mario Ximenes haktuir;

“Hau bele konta deit hahú husi dút ne’e at no ita suku ami hahú enkontru se la sala dala hát ida hanesan ne’e para atu konsentra ami oan mane iha uma ida ne’e nia laran, tamba ami hare uma at ona premeiru inform aba malu, segundu ami komesa halibur malu para oinsa túr hamutuk fahe servisu kontribuisaun husi maun ho alin sira, husu mós ami nia feton sira, feto san sira, ami nia kai sira ida rua hodi fó apoiu ba uma ne’e maka ami disidi ami balun la tun ba fokit dút ami nia maun alin kuaje nain 10 resin tún ba fokit dút iha tasi. Ne’ebé ami fokit dút durante semana rua nia laran, tamba ida ne’e maka ami sira ne’e nia hamutuk maka suku uma ne’e durante loron 9 nia laran amibe kona-ba fukun smi la halo hotu tamba ami nia Avo nain tolu maka hanesan ami nia Avo Euzebio, ami nia aman Calistro, ho ami nia Avo Mariano sira nain tolu maka kolia buat ne’e hotu ne’ebé sira antes husik hela ami  sira hato lia menon mai ami katak, Hena Kuandu At/Kenetan Nakles ami tur hamutuk halo deit, buat hotu ami halo tina hotu ona. Tamba ne’e    ami nia maun alin feto san umane ami idak-idak lori manu oan ruma, fahi, ho bibi oan ruma mai ami túr hamutuk hodi han hamutuk tamba uma sobu tia ona suku fila fali metin ona, horkalan maka ninia seremonia ida ikus sinal ida katak ami hotu nia klamar maka tama fila fali ba ne’e depois ohin dader ne’e ami komesa simu ona bua malus hodi idak-idak fila fali ba iha ninia uma”. Hateten Mario Ximenes 12/11/2023.

Eis Sekretariu Estadu Terras Propriedades ne’e kuntinua fundamenta liu tan katak, prosesu tomak hahu husi inisiu tó remata la hetan apoiu ruma husi Governu, maske iha duni planu atu husu Governu nia tulun  tamba mudansa situasaun entaun la konsege.

“Hau sei dauk iha lisata kona-ba gastus mais ami oan mane sira gastu duni atu dehan hanesan ka la hanesan ami hotu nia kontribuisaun. Ami la husu ba Estadu ida tamba ami iha duni intensaun atu husu duni ba Estadu maibe tamba buat sira ne’e lao ho barilla tia ne’eb’e ami la husu ba Estadu tamba ami kosiente katak ita nia Lisan ita labele husu ba Estadu ita maun alin atu bele ka labele ita sira pronto halo rasik. Maibe servisu maka todan tebes ida ne’e maka ami hakarak klarifika ba públiku kata kami nia uma ne’e halo ami lahetan ajudus ida e labele duni dala ruma lisan maka la hatan maske ami tenta atu hetan ajuda husi Estadu maibe tamba situasaun maka barilla tia.” Afirma Nia.

Antes ne’e Uma Lisan Maunlor Inaugura husi Saudosu Fernando La Sama de Araújo iha momentu Asumi knár hanesan Prezidente Parlamentu Nasional iha tempu ne’ebá.

“Iha tempu Sr. Fernando La Sama mai Inaugura nia mai laos hanesan Prezidente Parlamentu maibe tuir informasaun ne’ebé ami hatene katak nia mai hanesan Kai tertua ida husi jerasaun ba jerasaun mai reprejenta no mós hanesan Prezdente Parlamentu hodi mai koa dút ida ne’e, nia original ne’e maka hanesan ne’e.” Hakotu Oan Mane no mos hanesan Jerasaun Foun Lisan Maunlor.

Entertantu Uma Lisan ne’e hahu nia Konstrusaun iha tinan 2008 no Inaugura iha tinan 2012 husi Prezidente Parlamento Nasional Saudosu Fernando La Sama de Araujo.

Jornalista         Moises Magno

Editór              Joaquim Coutinho