Deskonfia Osan Dolar Amerikano Mosu Ba Familia Uma Kain Ida Iha Suku Manelobas Maubisse

0
30 views

Racom Maubisse (09/11/2023) Relasiona ho Informasaun Ne’ebé Esplala iha Mídia Sosial Facebook Kona-ba Osan Dolar Amerikanu ne’ebé mosu iha Rezidensia Komunidade ho naran Kompletu Jose Mendonça  Aldeia Hautilu  Suku Manelobas postu Administrativu Maubisse Munisípiu Ainaro ne’e, La sertrja tamba osan mosu lakon, Tuir nain ba Uma ne’ebé osan Mosu ba Jose Mendonça deklara katak antes ne’e  Osan mosu duni iha Mailena, Luhu hafoin foto husi ninia Mane foun hodi Públika iha Mídia Sosial Osan refere kuntinua lakon hikas  tamba ne’e nee  Nia la barani atu fó sai, maibe evidensia ne’ebé iha  Osan iha Mala Kik oan nebe tau iha Sira Nia kuartu laran nafatin iha.

“Akontesementu ne’ebé mosu ne’e la permanente mosu lakon, entaun sekarik ita bót sira mai buka faktus iha diak se laiha hau maka kona. Tamba ne’e maka premeiru hau fo hatene informasaun ba públiku katak informasaun ne’e Hoax, tamba ne’e hau labele dehan  laiha iha duni maibe hau labele públika ba iha Estadu tamba buat ne’e hanesan anin mosu lakon-mosu lakon.” Deklara   Jose Mendonça iha nia rezidensia   Aldeia Hautilu  Suku   Manelobas Maubisse wainhira Autoridade Lokal hamutuk ho Autoridade Seguransa Postu Administrativu Maubisse tó hodi hare direita fatin akontesementu kinta n’e (09/11/2023)

“Bajeia ba ida ne’ebé viral iha Mídia Sosial katak osan ne’e iha Saku, Lafatik, depois iha Kaisoti oan ne’e laos edit maibe realidade ne’e maka ne’e, hau taka hela informasaun ne’e depois ami sai tia hau nia Mane foun husi Liurai ho nia Ferik-Oan mai halimar nia loke ba hakarak hare hakfodak ho osan ne’e entaun nia hasai tia foto subar tia nia viral tia buat ne’e. Depois de nia viral tia buat ne’e mai fali ida Mala oan ne’e maka iha mais sira iha Saku ho Luhu ne’e buat mamuk sira maka latan hela ho ida ne’e maka hau atu fó sai públiku ne’e hau trauma hela buat ne’e, tamba ne’e agora hau la taka Mídia no husi Estadu mai ona” Haktuir Uma Nain Ne’e.

Kona-ba Kronolojia husi Akontesementu ne’e nia hateten;

“Buat ne’e prosesu ne’e liu husi Fatuk ida duni ohin hau konta ona, fatuk ne’e mai hau rai hela Armari laran depois Nia lori Mehi mai hateten tenki kuidadu Hau, entau hau foti fali husi Armari laran ne’e tau fali ba iha Maja oan, hau foti ho Kadeira ida foti ho Tais oan ida nahe hela ba durasaun tinan ida iha 2022 la mudansa hau tau hela iha laran ho tan hau nia osan Kios nian $2.000 dolar buat ne’e hau tulan hela iha leten iha 2022 nia laran laiha akontese buat ruma mais Nia Lori tan Mehi mai hateten, Imi Han Hau Han Uluk Maka Imi Han, Imi Hemu Hau Hemu Uluk Maka Imi Hemu. Tamba ne’e Durante Ami Han Hemu han diak ka han at nia Kopu ida ho Biakan  ida Uluk hanesan ita nia Lisan hateten tau buat Natureza nian. Iha dai 27 de Juñu 2023 liu ba kotuk ami ba halo konstrusaun ami nia Uma tiding Ai rin durante Semana ida iha ne’ebá prokupadu hola hahan atu mai foti osan iha Mala laran ne’e ba hola hahan loke fali ba osan ne’e laos $2.000 dolar ne’e mas Fatuk ne’e laiha tia osan ne’e maka Sae mai nakonu hela ho ida ne’e maka ami hakfodak ho ida ne’e osan ne’e mós la bok ida no la foti tan tó agora ami nia liman la bok osan ne’e tamba buat Natureza ne’e ita bók bele mosu buat oi-oin iha ne’ebá. Depois ami hadia tia dapur ne’eba ami muda fali husi fatin ne’e ba iha ne’ebá, ami tidin hela ho kadeira ne’e nafatin iha ne’eba Mala oan ne’e mós ami tidin iha ne’ebá depois iha ne’ebá mosu fali osan Kaisa ne’e ho Saku ne’e iha ne’ebá iha dapur ne’e maka hau nia Mane foun mai hasai hodi viral ne’e. Evedensia ne’ebé forti hau entrega ba Estadu maka ne’e nia Mosu lakon-Mosu lakon, realidade ne’ebé hatudu iha Luhu Saku ne’e laiha mas Mala Oan ne’e iha mai hau la hatene fatik ne’e maka dudu osan ne’e sae mai ka ou fatuk ne’e lakon tia ho osan sira iha Saku ne’e hau lahatene tamba buat ne’e iha hela mala laran ne’e ne’e deklarasaun hau nian maka ne’e.” Deklara   Jose Mendonça

“Nebe ho oportunidade ida ne,e hau ható hau nia obrigadu ba media  mai foti informasaun ne’ebé Viral iha media sosial  realidade faktus duni husu ba publiku katak buat nee los duni.  Depois hau husu ba hotu-hotu atu labele habelar informasaun no publika katak hanesan ne’e hanesan neba  realidade no faktus hau enterega tomak  ba Estadu mak tenki tau siguransa ba oinsa buat ne’e bele lao ba oin hau pronto atu responde ba saida deit  mak media husu ohin hau deklara ba publiku katak buat ne’e realidade ne’ebe iha faktus ituan ne’ebe iha mas lubuk nebe publika iha media sosial lubuk ida mak laiha  informasun klarlu mak ne’e tamba durante ne’e Viral katak hanesan ka lahanesan ohin hau dehan hanesan ne’e.  buat ne’e tomak hau sei interega ba Estadu” Hakotu.

Tuir Deklarasaun husi Mane Foun ba José Mendonça ne’ebé foto hodi fo sai akontesementu ne’e ba Públiku liu husi nia konta Facebook katak

“Hau nudar mane foun buat hanesan ne’e hau lahatene derpenti hau mai husi Liurai uma mamuk hau foti  telefoni loke odamatan hare osan barak hau hasai foto Viral iha media sosial, pois viral tia nia lakon fila fali ne’ebe hau husu deskulpa buat ne’ebé viral ona iha media sosial buat ne’e lakon fali hau husu  keta hatutan tan video ne’e ba maluk sira” Dehan Nia.

Fatin hanesan tuir Xefe Suku Manelobas Postu Administrativu Maubisse, Domindos de Andrade hateten;

“ Hakarak hato ba publiku katak buat nebe akontese durante ne’e ba parte ba Manelobas tuir hau nia observasaun  buat ida ita koalia ba maksonik nee durante ne’e lamosu iha rai ida Manelobas maibe buat ne’e mai husi Natureza maibe horseik ohin ita koalia ona sai viral ona ita publiku, maibe nain ba sorteo koalia katak lakon mosu ne’ebe ba oin hotu-hotu tenki hakmatek idak labele foti tuir nia gostu labele tiur nia hakarak ita tenki lao tuir nia nain nee tamba hau mos agradese ba sorte nia nain katak nia kopera los ho Estadu no seguransa ne’ebe ba publkitu labele paniku no labele hanoin barak buat nee real mak hanesan ne’en karik iha intervensaun seluk pronto hau apoiu nafatin hau nia renu ida ne’e atu to iha nebe deit karik iha prosesu seluk obrigado” Hateten Xefe Suku Manelobas

Biban ida ne’e Husi parte Seguransa Komandante Esquadra Maubisse Inspektur Polisia  Adolfo Brandão Silva Mota ne’ebé tó direita fatin akontesementu hateten;

“Hau hakarak informa hela no fo sai iha publiku katak probela ne’ebe viral iha media kona ba osan nebe akontese iha postu Maubisse suku Mnelobas iha Aldeia Hautilo ne’e agora polisia identifika ona   kontinua foti evidensia balu ke ita seiduk hetan maibe parte seguransa kontinua prosesu e kontinua envestiga nafatin ne’e primeiro, e segundu parte seguransa apela ba publiku katak informasaun nebe mak atu merese atu fo iha media labele fo e ne’ebe mak faktus lolos nee bele fo maibe hahu oin ba oin osan nebe ne’ebe viral iha media e husu ba ita boot sira bele hapara e labele kontinua  hatutan informasaun ba kolega sira seluk agora iha ona parte seguransa”. Hateten Komandante Esguarda Postu Administrativu Maubisse Munisípiu Ainaro.

Akontesementu ne’e evedensia ne’ebé iha maka  osan iha Mala ne’ebé oras ne’e iha Sidadaun ne’e uma.

Jornalista      Joquim Coutinho

Editór           Moises Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments