Padre Natalino da Costa Ita Selebra Loron Matebian 2 de Novembro katak: Ema Sarani Nia Mate Hanesan Oportunidade Ikus Ba Hasoru Malu Ho Nai Maromak No Ba Dame Malu Ho Ita

0
16 views

Racom Maubisse, 02/11/2023, iha Loron rua fulan Novembro igreja universal iha mundo tomak selebra ka komemora loron 2 fulan Nove,bro hanesan loron especial ba matebian sira, nune’e iha ho milia padre selebrante Natalino da Costa haktuir iha nia homilia katak;

 

“Iha lia fuan badak ida dehan nune’e “a morte paisão e a último oportunidade da reconciliação  com meu e com homens” katak “ema sarani nia mate hanesan oportunidade ida ikus ita ba hasoru malu ho Na’i Maromak no ba dame malu ho ita nia maluk sira”.

 

Ne’ebe hanesan São Paulo dehan ba sarani sira iha korintu, katak; “Atu ema keta lakon esperanca iha rai, ema sarani tenke tau konfiansa, tau nia esperansa iha Na’i Maromak, tamba wainhira nia sei moris nia simu aihan lalehan nian, iha eucaristia, ita simu Cristu Nia Futar Isin, dadaun ne’e iha eucaristia  sai esperansa  no fo moris ba ita no halo ita hela hamutuk ho Na’i Maromak”.

 

Tamba ne’e maka  atu ita missa ka la missa, maibe mate lori ita ba hasoru malu ho Na’i Maromak, tamba ita badinas reza ou la reza ba mate ida ne’e, ita halo rekonsiliasaun ikus ho Na’i Maromak, ho nune’e; “Hakarak ka lakohi wainhira ita mate ona, ita tenke hasoru malu ho Na’i Maoromak, hasoru Na’i Maromak ida ne’ebe domin nain, hasoru Nai Maromak ida ne’ebe laran luak, hasoru ho Maromak ne’ebe moris ne’e nia nain, ne’ebe fo moris ba buat hotu, iha ne’eba ita sei hare Aman ida ne’ebe hein nia oan sira, oinsa atu bele fo moris ba nia oan sira”.

 

“Wainhira ita mate ona  hadame malu ona ho ema hotu hotu, dala barak ita sei moris, rai odio ba malun, ita oin tos ba malu, ita luli malu, maibe wainhira ita rona katak mate, lia fuan ida ne’ebe mosu primeiro husi ida idak nia fuan deskulpa no reza atu nia (matebian) hetan salvasaun”. Ne’e katak mate halo ita ba dame malu, mate hases ita husi odio malu, mate termina ita nia luli malu, no mate halo it aba dame malu.

 

Ne’e duni ohin loro kraik ida ne’e  hamutuk iha simiteriu Boot Maubisse nian ida ne’e, hanesan igreja peregrino iha dever no obrigasaun ida hodi reza ba klamar sira hotu, ne’ebe hein hela ita nia orasaun no sakrifisiu iha loron ida ohin ita halao, hahu kedas horkalan to’o ohin loro kraik ida ne’e nian, ita nia orasaun, ita nia sakrifisiu ita hatudu liu husi ita nia domin, hodi tau aifunan iha simiteriu sira, hatudo ita nia domin ba matebian sira, ida ne’e hatudu ba ita katak “Iha loron 2 de Novembro lao loron tristeza, dia 2 de novembro laos loron lutu ninian, maibe dia 2 de novembro ne’e dia da orasaun e dia da Gloria, loron ida igreja konvida hasae orasaun no loron ida matebian sira hetan Gloria iha Maromak nia futar oin, husi ita nia norasaun sira hetan Gloria Maromak nian, husi ita nia orasaun, sira hetan indultu, husi ita nia orasaunsira hetan liberdade”.

 

Horseik ita selebra dias dos santos, loron importante ba ema fiar nain sira nian, loron ksolok ba ema sira ne’ebe moris tuir Maromak nia ukun fuan, ohin ita selebra loron ida ne’ebe importante tebes, ita nia orasaun mak sai loron libertasaun ba klamar sira ne’ebe iha purgatoriu. Tamba ne’e Na’i Maromak konvida ita iha loron ida ohin hodi hasai orasaun ba kmar sira atu hetan indultu nune’e sira ne’ebe mak iha hela porgatoriu bele ba lalais iha reinu lalehan, maibe ita sira ne’ebe sei moris tenke reja no hasai orasaun lor loron.

 

 

Reportajem Racom Maubisse

 

0 0 votes
Article Rating
Subscribe
Notify of
guest
0 Comments
Inline Feedbacks
View all comments