Racom Maubisse (13/11/2023) Hakat ba Ronde da Ruak Elisaun Suku Kandidatu Xefe Suku Mulo Postu Administrativu Hato-Builiku Munisípiu Ainaro Fernando de Araújo Verdial ba Jornalista Rádiu Komunidade Maubisse Mua-Loko (RKMM) iha Sentru Votasaun Hautio hateten;

“Hau prontu atu simu saida deit tuir dezisaun Povu nian, tamba hau tama kompente ne’e laos  katak atu hadau malu ukun maibe hau garante katak hau tenki manan. Tamba ne’e karik Maun alin sira, povu no Natureza ida ne’e hare katak hau ne’e bele duni atu servi ba rai ida ne’e entaun hau simu, tamba ne’e maka manan hau prontu, lakon mós hau prntu nafatin fó hau nia kontribuisaun ba Dezemvolvementu rai ida ne’e.” Hateten Kandidatu Xefe Suku Mulo 13/11/2023.

“Karik ohin ida ne’e hau manan maka hau sei kopera respeita nafatin  Xefe Suku aktual,  tamba hau ema foun, kopera mós ho maun alin juventude feto no mane sira hotu.” Hateten Kandidatu  Xefe Suku ne’e.

Tamba ne’e Karik hetan duni konfiansa husi Povu maka programa Prioridade dahuluk maka hakbesik servisu Administrasaun Suku nian ba povu liu husi buka dalan harí no konstroi Sede Komunitaria ba Aldeia ne’ebé seidauk iha.

“Prioridade ba Suku Mulo maka buka dalan oins atu harí Sentru Komunitaria iha Aldeia sira hotu no laiha diskriminasaun tamba durante tinan hira nia lran ita hare katak Aldeia ne’e balun seidauk iha Sentru Komunitaria/ Sede Aldeia para  hakbesik-an ba Komunidade sira.  Karik ne’e povu fó fiar ohin dia 13 de Novermbru 2023 hau garante dehan hau manan, Maibe nufim dehan hau lakon fali ne’e hau pronto atu simu nafatin.” Hakontu Kandidatu Xefe Suku Mulo Fernando de Araújo Verdial.

Entertantu Suku Mulo Kompostu husi Aldeia 8 ho nia totál Populasaun 4.000 (Rihun Ha’at), no kandidatu ne’ebé konkore ba Elisaun Suku husi Suku Mulo nian hamutuk nain ba ronde Premeiru  11, ba Ronde Segundu nian Kandidatu Fernando de Araújo Verdial, Kompete Xefe Suku aktual Ne’ebé Rekandidata-an.

Jornalista      Moises Magno

Editór           Joaquim Coutinho