Racom Maubisse (24/10/2023)  Kandidatu Xefe Suku Maubisse Villa Munisípiu Ainaro Adriano Martins de Araújo hateten Kompremisiu ne’e liu husi kampaña ba dala ikus nian hamutuk ho Kandidatu sira husi Suku Maubisse Villa ho tipu diálogo  Tersa feira ne’e iha Prasa Maubisse.

“Hau nia programa Lima oan deit, 5 ne’e para sukat kapasidade hau nian, naton para atu bele halo ida ne’e. Barak liu dala ruma mós ita nia mandatu bele remata mós dala ruma sei la bele halo mós buat balu karik.  Premeiru hau Vizaun fó apoiu ba servisu Estadu nian iha nivel baze hodi hamosu kontribuisaun sosial ba komunidade ba Dezemvolvementu. Misaun habelar servisu Estadu nian ba ema hotu nia partisipasaun ba prosesu Dezemvolvementu, no hau nia moto Hau Prontu Serbi” Hateten Adriano 24/10/2023.

Programa prioridade sira ne’e maka hanesan involvementu komunidade partisipa iha Dezemvolvementu rural, hadia sistema Administrasaun Suku, kontrola no halo jestaun diak ba Be mos ne’eb’e maka sai porukpasaun ba komunidade Aldeia Maubisse Villa, garante jestaun diak ba merkadu Maubisse, no ikus liu ba Paz no Stabilidade.

“Programa prioridade sira maka hanesan, involve Komunidade hodi partisipa ativu iha Dezemvolvementu Rural, hadia sistema Administrasaun Suku tenki lao ho diak hodi koresponde ba Komunidade sira nia presija fasil no lais, forma ekipa téknika adekuadu ida hodi kontrola mós be mos ba iha ba Suku Maubisse Villa ida ne’e, ha’at garante Jestaun Merkanu no Saniamentu hodi estabelese Ambiente ne’ebé Saudavel no Hijene ba Suku laran hodi promove no hola parte iha Maubisse nia furak, ikus liu maka garante Paz no Estabilidade iha Suku Maubisse liu-liu iha Aldeia 12 hola parte iha Postu ida ne’e.” Aprejenta Kandidatu Xefe Suku ne’e.

Adriano Martins de Araújo kuntinua hatutan liu tan katak;

“Hau la fiar ke ita hela tia iha okos be iha leten maibe ita sei hamlaha no hamrók ba be mos, ita hare ba uluk be matan 2 deit Bukana ho Era-Ulo Hatufa’e koresponde ba Postu ida ne’e povu nafatin barak hanesan ne’e la halerik ba be no la hamrók ba be, hau kolia ida ne’e tamba hau hare no hau hetan. Tuir fali garante Jestaun Saniamentu ba Merkadu hodi hola parte iha mós ba Maubisse nia furak, hau la hateten dehan ita bót sira fó fiar ba hau maka sei halo fali merkadu ida lae tamba merkadu iha ona Jestaun maka laiha tamba ita here katak merkadu ne’e klot tia ona halo klot tan deit hare ba kotuk mamuk hela tamba sa ita labele halo ida ne’e. Fatin ida fan sasan ne’e utiliza ba hela fali mai fan tia fali iha kareta nia dalan, motor nia dalan, ema nia dalan depois ita prokupa deit Polisia sira nia servisu tamba ne’e ita presija halo jestaun ba merkadu hodi hare kona-ba ida ne’e tamba osan nia hun maka iha merkadu ida ne’e. Se ita la halo jestaun diak maka komunidade sira mai fan balu iha oin balu iha kotuk balu hetan rendementu diak maibe balu la hetan rendementu tamba ne’e ita hakarak hadia”. Promete Kandidatu Xefe Suku Maubisse Villa  Adriano Martins de Araújo.

Entertantu Suku Maubisse Villa kompostu husi Aldeia 12 Xefe familia 1.416 (Rihun ida Atus Ha’at Sanolu Resin Nen), ho nia totál Populasaun Rihun Walu Resin (8.000)

Jornalista                     Moises Magno

Editór                          Joaquim Coutinho