Hakarak Hamutuk Ho Komunidade Lori Mudansa Ba Suco Maubisse Villa Foinsa’e Valencio Disidi Kandidatan Ba Xefe Suku Maubisse Villa Priodu 2023-2030

0
32 views

Racom Maubisse (24/10/2023) Kandidatu Xefe Suku Maubisse Villa Munisípiu Ainaro Valencio Gomes Mendonça hateten Kompremisiu ne’e liu husi kampaña ba dala ikus nian hamutuk ho Kandidatu sira husi Suku Maubisse Villa ho tipu diálogo hamutuk  ho Komunidade Suku Maubisse Tersa feira ne’e iha Prasa Maubisse.

Valencio hateten wainhira hetan konfiansa husi povu liu husi Elisaun Lideransa Suku loron 28 fulan Otubru tinan ne’e nia pronto halakon Injustisa Sosial, hamrík hodi lori mudansa ba Maubisse oan hotu.

“Karik hau hetan konfiansa husi Maubisse oan hotu iha Tinan 7 nia laran hau pronto halakon Injustisa Sosial, hau lakohi atu hamrík tamba deit A, tamba deit B maibe hau hamrík ho deit Vizaun dehan katak, hamrík ba Maubisse Oan hotu. Haun pronto lori Dezemvolvementu lori mudansa laos iha deit parte balu maibe ita koko atu hakbesik ba iha Komuidade sira iha Aldeia 12, oinsa maka ita servisu hamutuk atu lori mudansa ba iha Rai ida ne’e tamba hau mós ema ne’ebé joven no mós sei iha vontade ne’ebé nakonu atu hakat hó hanoin ida ne’e no misaun ida ne’ebé suporta hau maka Ukun ho Domin no Responsabilidade”. Diskursu Kandidatu Xefe Suku Maubisse Villa 24/10/2023.

Valencio Gomes Mendonça kuntinua dehan tan katak;

“Hau hakarak luta ba Maubisse ba Maubisse Oan hotu, hare ba realidade esprensia ne’ebé ita lao hela ita senti hela katak Maubisse lao ona Dezemvolvementu, Maubisse lao ona mudansa iha parte lubuk ida lao ona mós iha parte lubuk ida maka seidauk lao. Entaun ita nia esforsu maka ida ne’e presija fígura atu oinsa maka ita bele   hamosu mudansa no Dezemvolvementu, tan ne’e fígura ida mesak  la fihir mudansa no Dezemvolvementu entaun tenki troka malu atu núne’e ita bele hakat ho mudansa entaun Pesoa hanesan fígura foun hakarak mai hatete hela ba Komunidade hotu iha Maubisse ida ne’e atu dehan katak fígura ida maka hau ho hanoin ne’ebé foun hanesan Joven hakarak mós atu kuntribui ba rai ida ne’e”.  Hatutan Kandidatu Valencio Gomes Mendonça

Tamba ne’e wainhira Valencio hetan fiar hosu Komunidade Suku Maubisse pronto servi ho Domin no Responsabilidade.

“Tamba Domin ne’e haruka maka ukun, laos deit ho Domin maibe presija iha responsalibidade. Ho programa sira ne’ebé hau iha la siknifika atu hateten ita nia Xefe Suku Aktual katak la halo buat ida iha Maubisse ida ne’e. Tamba ne’e hakrúk no respeita ba ita nia Xefe Suku Aktual halo ona buat diak iha ita nia Suku Maubisse ida ne’e halo tamba fihir hetan, no hau hanesan kandidatu atu hakat ba laos dehan atu hatun no desfama maibe atu pronto kolabora hamutuk hodi servisu makas luta ba but ne’ebé Tinan 7 liu ba sai hela esperensia karik ita nia Xefe Suku Aktual karik fihir la hetan ida ne’e maka ita pronto atu servisu no kolabora hamutuk halo no lori Mudansa”.Hateten Kandidatu Foinsa’e ne’e.

Alem de ida ne’e ligadu ho presenza Negosiantes Xineza iha Merkadu Maubisse Kandidatu Xefe Suku Maubisse ne’e hateten, pronto hamutuk komunidade halo diálogu Negosiantes Xineza atu fan prdutu ne’ebé maka negosiantes lokal sira labele fan.

“La desfama no la hateten ita nia Xineza sira buat simples ne’eb’e  ita bele luta maka ne’e ita hahu husi produtu ne’ebé maka Xina mós fán, tamba ita sei luta halo diálogu ho Xineza sira atu redus ida ne’e tuir ami nia kbít ne’ebé ami iha, Xineza bele halo tuir kbít ne’ebé Xineza iha ida ne’e maka ita atu halo mudansa ba ida ne’e”.

Tamba ne’e Kongretiza programa sira ne’e ba Komunidade Suku Maubisse Villa Kandidatu Xefe Suku Maubisse Priodu 2023-2030 Valencio husu;

Ho esperansa bót ne’ebé hau iha karik povu ida ne’e fó konfiansa ita la kolia kona-ba bosok malu, lohi malu, ita la kolia kona-ba promesa malu. Ami nain hira ne’e mesak Maubisse oan hotu tiun, avon, Subriñu, husi feto no mane nian, hotu-hotu iha hanoin diak ba rai ida ne’e objetivu diak ba rai ida ne’e. Buat ne’ebé hau atu dehan iha ne’e maka ne’e, koko hare ba ami nain hira ne’e nia pasadu, Prejente, no koko hare ba ami nain hira ne’e nia programa saida maka ami atu halo. Labele halis ba mai tamba   ami mesak familia sim, maibe kundu hare ba fígura hakarak rai ida ne’e diak ita presija halo sasukat katak hau la hare ba A la hare ba B maibe hau hakark hadomi entaun ita presija estuda buat sira ne’e para ita hare mudansa ne’e hetan no ita hare Dezemvolvementu ne’e hetan”. Hakotu Kandidatu Xefe Suku Maubisse Valencio Gomes Mendonça

Entertantu Suku Maubisse Villa kompostu husi Aldeia 12 Xefe familia 1.416 (Rihun ida Atus Ha’at Sanolu Resin Nen), ho nia totál Populasaun Rihun Walu Resin (8.000)

Jornalista                     Moises Magno

Editór                          Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments