Racom Maubisse (24/10/2023) Kandidatu Xefe Suku Maubisse Villa Munisípiu Ainaro Luis Sarmento da Costa hateten ninia prontidaun ne’e liu husi kampaña ba dala ikus nian hamutuk ho Kandidatu sira husi Suku Maubisse Villa ho tipu diálogo ho Komunidade Tersa feira ne’e iha Prasa Maubisse.
“Se karik hau hanesan Xefe do Suku Xineza ida tama mai iha ne’e hau la matenek maibe hau sei husu o mai halo saida, no o mai fan sida? Se karik o fan sasan ne’ebé hau nia povu no hau nia ema Timor-Oan ne’e fan o sei la fan. Ida ne’e ita tenki halo hau la promote ba imi mais ida ne’e laos Estadu sei fó osan mai maka ita halo maobe ita bele halo se ita la halo agora bainhira tan, tamba ne’e Maubisse oan mai ita fó liman ba malu atu halo ida ne’e se ita la halo aban bairua ita sei sai penonton ba Xineza sira iha ita nia rai rasik”. Promete Kandidatu Xefe Suku Maubisse Villa.
Tamba tuir Kandidatu ne’e katak;
“Luta ba Rai ida ne’e ita Timor-Oan maka maka luta, Timor-Oan fó-An, fó aman, fó inan, fó maun ho alin hodi luta ba Rai ida Ukun Rasik-An (URA) ne’e maibe agora saida maka akontese ba ita, ita nia inan aman sira luta ba ida ne’e fan iha Estrada ibun, iha trotoar leten Xineza sira hetan fatin diak fan iha laran sai mai fan tan iha liur. Ne’e Autoridade nia hanoin ne’e oinsa, se karik hau, maka hau sei la halo ida ne’e ita bele interven ita duni la duni maibe ita bele halo lei ida katak o sei la fan ida ne’e Timor-Oan maka bele fan ida ne’e, ne’e ita sei halo no hau pronto halo ida ne’e.” Dehan Luis Sarmento da Costa.
Tamba ne’e ba Povu Suku Maubisse nia kuntinua hateten”
“Iha ne’e hanesan Maubisse oan hakarak kandidatu-an ba Xefe Suku Maubisse ba Priodu 2023-2030 ho hau nia moto ida dehan Hau Mak Matan Tilun No Ibun Hau Mai Atu Serbi, lalikan dúvida ba hau nia kapasidade maske hau laos Serjana maibe imi fó fiar mai hau mós bele no hau pronto atu lidera Suku ida ne’e”. Remata.
Entertantu Suku Maubisse Villa kompostu husi Aldeia 12 Xefe familia 1.416 (Rihun ida Atus Ha’at Sanolu Resin Nen), ho nia totál Populasaun Rihun Walu Resin (8.000)
Jornalista Moises Magno
Editór Joaquim Coutinho
