Ministro Interior Francisco Guterres: Rekrutamentu PNTL Foun 450 Sei Akontese iha Tinan Oin

0
83 views
Ainaro (05/06/2023) Ministru Interior (MI) Francisco da Costa Guterres ható ida ne’e ba Jornalista Radiu Komunidade Maubisse Mau-Loko (RKMM) hafoin halao enkontru Membrus PNTL Munisípiu Ainaro, ne’eb’e akompaña direita husi Komandate Jerál Polisia Nasional Timor-Leste PNTL Komisáriu Henrique da Costa Kinta ne’e iha Munisípiu Ainaro.
Governante ne’e hateten rekrutamentu ida ne’e halao hodi kompleta númeru ideal ne’ebé maka PNTL Presija. No rekrumentu ida ne’e sei akontese iha Tinan oin nia kutinuasaun ba tó iha Tinan 2026.
“Hau hanoin rekrutamentu ne’e ita halao ba tinan oin ne’e para atu priense vaga mamuk ne’ebé iha ita priense itoan. Depois laos deit tinan oin ita sei rekruta iha tinan 2024 – 2026 para kompleta tia númeru ideal ida ne’ebé PNTL presija ne’e, ne’eb’e hanoin ami sei prepara hela para tinan oin ita halo rekrutamentu” Dehan Ministru Interior 05/10/2023
Rekrutamentu Membru Polisia 450 ne’eb’e mesiona dadaun ne’e sei fahe ba parte rua maka hanesan konkorsu interna ba Ofisiais, no konkursu Públuku ba Adjentes Polisia.
“Tinan oin ne’e ita atu rekruta hamutuk 450 Polisias ida ne’e klaru ona Konsellu Ministru iha ona instrusoens klaru husi Premeiru Ministru (PM) katak orsamentu ba iha rekrutamentu ita tenki tau ketak. Tamba ne’e maka iha ne’e ita rektura buat rua rekrutamentu ba Adjentes no rekrutamentu ba Ofisiais. Tamba ne’e hau sei kolia ho Komandante Jerál ita halo uluk parte interna ninian depois maka ita loke ba públiku tamba ida ne’e ninia lalaok ne’e sei ba tó iha Akademia Polisia. Tamba ne’e maka tinan oin ita tenki halo rekrutamentu ida ne’e para ita labele husik fatin mamuk.” Hateten Ministru Interior (MI) Francisco da Costa Guterres liu husi Sururmutuk ne’ebé maka halo ho Membru Polisia Nasional Timor-Leste (PNTL) Munisípiu Ainaro Kinta Feira ne’e.
Jornalista Moises Magno
0 0 votes
Article Rating
Subscribe
Notify of
guest
0 Comments
Inline Feedbacks
View all comments