Ainaro (05/10/2023) Ministru Interior (MI) Francisco da Costa Guterres ható mensajen liu husi Sururmutuk ne’ebé maka halo ho Membru Polisia Nasional Timor-Leste (PNTL) Munisípiu Ainaro Kinta Feira ne’e.

“Komunidade hateke ba ita bót sira ne’e hanesan ezempu, ezemplar ida, imi ne’e maka sei hatudu ezemplu ba ita nia Komunidade sira imi tenki komporta imi nia an didiak karik túr hamutuk ho joven sira konvense joven sira lalikan halo problema. Tamba Komunidade sira hare ba ita bót sira hanesan ezemplu para sira halo tuir, ida fali sira kuandu hare Polisia ne’e sira senti hanesan seguru ita tenki hatudu ida ne’e ba sira. Polisia nia prezensa ne’e Komunidade tenki senti seguru labele halo Komunidade tauk fali ho Polisia nia prezensa. Tamba ne’e tenki garantia katak Polisia nia Prezensa ne’e Komuidade senti seguru e sira ne’ebé hanoin atu halo at ne’e maka tauk ida ne’e maka Polisia nia Servisu.” Hameno Ministu Interior (MI) ba PNTL Muisípiu Ainaro 05/10/2023.

Entertantu totál membru PNTL Munisípiu Ainaro hamutuk 107 (Atus Ida Hitu) númeru ne’e Kompostu husi Equadra Hato-Udo, Hato-Builku, Maubisse, no Esguadra Postu Administrativu Ainaro Villa.

Jornalista Moises Magno