Maubisse (28/09/2023) Uma Lisan TAUID BIOHAR Kompostu husi Lidun Feto No Mane, Konstrusaun dahuluk ba Uma Lisan ne’e hahu iha loron 24 fulan Juñu Tinan 2006 tó iha loron 18 fulan Otubru 2007. No Kuntinua hikas nia Konstrusaun iha Loron 12 fulan Otubru Tinan 2010 ho total Orsamnetu ne’ebé kontribui husi Familia Lidun rua hamutuk Dolares Rihun Ha’at Resin. Haktuir Oan Mane da Ha’at husi Uma Mane nian Lisan TAUID BIOHAR Crispin Menezes Tilman ba Jornalista Radiu Komunidade Maubisse Mau-Loko RKMM.
“Hau hanesan Oan Mane ba da Ha’at nian husi Uma Mane, entaun husi Lisan ida ne’e ami fahe ba Lidun rua, Lidun ba Uma Feto no Uma Mane. Premeiru mai ne’e ami hahu iha dia 24 de Junho 2006, depois ida ne’e ami hotu fali iha dia 18 de Otubro 2007. Ami para tia ami kuntinua fila fali iha dia 12 de Otubro 2010 lori rasik ami ninia osan husi familia Lidun rua ne’e ho osan hamutuk iha Quatro Mil Ital.” Crispin hateten 28/09/2023.
Tamba ho Durasaun ne’ebé kelur Tinan 15 kondisaun Uma kuntinua at tamba ne’e familia husi Lidun rua túr hamutuk fila fali hodi halo konstrusaun foun Uma Lisan ne’e, ne’ebé ba Oras ne’e dadaun tama ba Prosesu Inaugurasaun iha fulan ne’e.
“Halo tinan 15 uma ne’e nia kondisaun at ona entaun ami kria fali enkontru entre Uma Feto ho Uma Mane tau hamutuk orssamentu ne’ebé husi ami nian rasik hodi halo fila fali konstrusaun. Iha Momentu ne’ebá mos ho akontesementu Dezastre Natural dia 4 de Abril 2022 uma ne’e tohar entaun ami halo fila fali konstrusaun ba Uma ida ne’e. Entaun iha dia 4 de Marsu tó dia 5 de Maio 2022 ne’e ami tá Ai hotu ona hodi hahu fila fali ninia Konstrusaun ne’e iha dia 8 de Novembru 2022 finaliza iha 27 de Dezembru 2022, ho hanoin ne’ebé mai husi Katuas sira kata kami labele dada kleur entaun agora ami prepara ba halo Inaugurasaun iha Tinan ida ne’e”. Relata Crispin.
Entertantu Preparasaun ba Seremonia Inaugurasaun ne’ebé agora dadaun Realiza iha Knua TAUID BIOHAR, Auslara Suku Maulau Postu Administrativu Maubisse ho totál Orsamentu Dolares Rihun Lima Rasin.
Jornalista Moises Magno
