Racom Maubisse (08/09/2023)  Informasaun ne’e ható husi Direktora Sesante Sekretariadu Tékniku Administrasaun Eleitorál (STAE) Munisípiu Ainaro, Anarela da Silva Barros ba Administrador Postu Administrativu Maubisse Claudino Mendonça iha edefisiu Administrasaun Postu Maubisse Sesta Feira ne’e, wainhira fó teste eskrita ba kandidatu Pesoal STAE Apoiu Suku (PSAS) no Pesoal STAE Apoiu Aldeia (PSAA), ne’ebe pasa ona iha seleksaun dukumentus.

“Elisaun Suku ne’e direitamente Administrador Postu sira maka lidera, ita STAE fó apoiu téknnikamente deit. Tamba ne’e hakarak informa diretamente ba Administrador Postu atu núne’e bele hatene prosesu ne’e. Ne’ebé servisu hotu ne’e iha Administrasaun Munisípiu, Postu no  Konsellu do Suku sira maka sei halo servisu ida ne’e. Karik maka ita bót sira maka pasa laos ita bót sira maka atu lidera Meja maibe ita bót ba fó apoiu deit, ou apoiu iha formasaun sira ne’ebé maka ita bót sir aba fó formasaun no lidera iha Suku sira no kuntinua fó formasaun ba Aldeia Sira”. Tenik Anarela da silva Borros 08/09/2023.

Fatin hanesan Administrador Postu Administrativu Maubisse Claudino Mendonça hateten Elisaun Suku sei akontese iha Fulan Otubru tinan ne’e, tamba ne’e susesu Elisaun ne’e iha kandidatu sira ne’ebé maka oras ne’e dadun tuir teste. “Elisaun Xefe Suku ho Membrus Konsellu do Suku sei halao iha 28 de Otubru 2023. Susesu Elisaun ne’e iha ita bót sira nia liman, ida ne’e maka hau ható ne’ebé teste ba kandidatu PSAS PSAA prepara ba Elisaun Suku 28 de Otubru 2023 ofisialmente hau Loke”.

Entertantu Postu Administrativu Maubisse Kompostu husi Suku 9 ho nia Aldeia 62, no Ema ne’ebé presija ba Apoiu ba Realizasaun Elisaun ba Suku Sei Presija ema nain 9 no ba Aldeia ema 62. Total ba Munisípiu Ainaro Kompostu husi Postu Hato-Udo, Hato-Builico, Maubisse, no Postu Ainaro Villa sei Presija ema ba Suku 21 no Aldeia 262.

Jornalista                     Moises Magno

Editór                          Joaquim Coutinho