Racom Maubisse (08/09/2023) Sekretariadu Tekniku Adminstrasaun Eleitoral  (STAE) hanesan orgaun tékniku ne’ebé Independente iha ambitu Elisaun. Ho nia knár organiza prosesu Eleitoral haktuir iha Lei Nu.9/2016 Lei Suku nian ne’ebé fó kompetensia ba STAE hodi fó apoiu ba realizasaun Elisaun tamba ne’e STAE pretende no halo rekrutamentu pesoal ida kada Suku no kada Aldeia presija ema nain rua hodi fó Apoiu ba Realizasaun Elisaun Suku ne’ebé sei akontese iha loron 28 fulan Otubru Tinan ne’e iha Teritoriu Nasional no Munisípiu Ainaro.

Tamba ne’e kandidatu ba Vaga Pesoal STAE Apoiu Suku (PSAS) no Pesoal STAE Apoiu Aldeia (PSAA) ne’ebé pasa ona iha Seleksaun Dukumentus ba Postu Administrativu Maubisse Sesta Feira ne’e tuir ona Teste eskrita iha Salaun Administrasaun Postu Administrativu Maubisse, ne’ebé organiza husi Ekipa STAE Munisípiu Ainaro.

Antes tama ba teste eskrita ida ne’e iha Maubisse Ekipa husi Sekretariadu Tékniku Administrasaun Eleitoral (STAE) Munisípiu Ainaro Anarela da Silva Barros ba Kandidatu sira hateten, iha Postu Administrativu Maubisse PSAS ne’ebé maka presija iha ema nain 9, no PSAA kandisatu ne’ebé Pasa iha seleksaun Dukumentus hamutuk 98 maibe STAE presija 62. Enjeral ba Munisípiu Ainaro Preparasaun Ba Eleisaun Suku 2023 STAE presija PSAS 21 No PSAA 262

“Kandidatu Ne’ebé Pasa iha Seleksaun Dukmumentus ba PSAS ne’e iha 22 pesoas ami so presija deit 21 pesoas ne’e ba Suku. Aldeia ne’e iha Maubisse totál pasa ba vaga ne’e iha 98 pesoas maibe STAE sei presija 62 pesoas tuir ita bót sira nia Aldeia ne’ebé maka iha Postu Administrativu Maubisse. Tamba ne’e husu ita bót sira tuir teste ho didiak atu núne’e bele eleva ita bót sira koiñesementu STAE nian iha fatin ida ne’e karik ita bót sira pasa agradese ita bót sira bele servisu hamutuk ho STAE, korajen nafatin ba ita bót sira katak ida ne’e sai hanesan esperensia ida ba ita bót sira nia vida moris ou vida Humanu nian atu bele hatene diak liu tan lalaok STAE ne’e maka ida ne’e. Tamba ne’e ita bót sira maka pasa iha Aldeia karik sei servisu ba semana ida deit iha fulan Otubru, ne’ebé maka pasa ba iha Suku ne’e servisu durasaun tempu fulan 2.” Dehan Direktora Sesante STAE Munisípiu Ainaro Anarela da Silva Barros iha Postu Administrativu Maubisse 08/09/2023.

Fatin hanesan Administrador Postu Administrativu Maubisse Claudino Mendonça hateten Elisaun Suku sei akontese iha Fulan Otubru tinan ne’e, tamba ne’e susesu Elisaun ne’e iha kandidatu sira ne’ebé maka oras ne’e dadun tuir teste. Aumesmu tempu loke abertura ba teste eskrita ne’e.

“Elisaun Xefe Suku ho Membrus Konsellu do Suku sei halao iha 28 de Otubru 2023. Susesu Elisaun ne’e iha ita bót sira nia liman, ida ne’e maka hau ható ne’ebé teste ba kandidatu PSAS PSAA prepara ba Elisaun Suku 28 de Otubru 2023 ofisialmente hau Loke”.

Entertantu Postu Administrativu Maubisse Kompostu husi Suku 9 ho nia Aldeia 62, no Ema ne’ebé presija ba Apoiu ba Realizasaun Elisaun ba Suku Sei Presija ema nain 9 no ba Aldeia ema 62. Total ba Munisípiu Ainaro Kompostu husi Postu Hato-Udo, Hato-Builico, Maubisse, no Postu Ainaro Villa sei Presija ema ba Suku 21 no Aldeia 262.

Jornalista                     Moises Magno

Editór                          Joaquim Coutinho