Maubisse (26/08/2023) Xefe Estadu José Ramos Horta ható asuntu ne’e wainhira partisipa iha Seremonia Aniversariu Comunitit Tração Jip Timor Leste ba dala 9. Ne’ebé selebra Sabadu fim de semana ne’e iha fatin Turizmu Komunitaria Rabilau Postu Administrativu Maubisse Munisípiu Ainaro. Prezidente mós husu ba Komunidade Maubisse tenki mantein ambiente mós no labele soe Lixu arbiru iha fatin públiku sira.

“Ida labele soe lixu arbiru, labele soe plastiku arbiru, hau hare merkadu Maubisse villa laran ne’e foer at lós Turzta maka ba iha ne’ebá dala ruma halai sai kedas. Premeiru Orsamentu 2024 hau husu ba Governu favor halo merkadu foun ida iha Maubisse. Administrador Xefe Suku hateten ba hau Rai iha tia ona ne’e duni falta deit dezisaun Politik dezisaun Governu hodi tau Orsamentu tamba hau hare povu Maubisse ne’e servisu makas ita liu husi villa modo oi-oin barak lós. Ne’e duni povu ne’e merese hetan tulun halo merkadu foun merkadu modernu ho saniamentu diak, saude Públiku diak.” Dehan Prezidente Repúblika 26/08/2023.

Ligadu ba parte saude nia Ramos Horta husu Governu presija tau osan ba Rehabilitasaun Hospital Referal Maubisse.

“Hospital Referal Maubisse ne’e tinan 10 resin ona tenki halo rehabilitasaun purtantu ne’e la ho osan bot, Governu bele tau kedas Orsamentu 2024. Ministériu Saude tenki hare Orsamentu para halo rehabilitasaun diak ba Hospital. Ministériu Obras Públika hare oinsa atu tau Orsamentu ba merkadu iha Maubisse”. Husu Xefe Estadu.

Jornalista Moises Magno Mailmer Mujinhu